ROMAN 10:5 - Cho Bible Common Language 2016

⁵ Moses naw thukhän läk nak awn, Khanpughi ung düng nak ah mawng a guk cu; “Thukhän ung thu küi läk ciah chang phung cu ghing khai,” ciah kyak ci.

ROMAN 10:5 Referans Kwoze

TAIGÜTHUM 18:5

Kei naw ka ning pek gui ah om ih la thukhän gui cu nami läk vai; a cu cha ah bi ne nami hnun gui cu nami hun vai nei, kei cu Bawipa nei.”

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

EZEKIEL 20:11

Kei naw ka thumkhän gui pe gui ne, ka thukhän gui ka m’thei gui ci, acun gui läk ciah chang phung cu ghin nak ung hteh püi ci.

KALATIAN 3:12

Cun ung phi thukhän cu yum nak awn api ah phi kä ng’pha ci. Cacim ung, “Thukhän ung om ci phung-läk ciah chang cu ghing khai nei,” ciah om ci.

ROMAN 7:10

Cun kawn ah kei cu ka sik ci. Kei naw ka ghing nak vai ah pyein ah thukhän naw kei cu na sih sak ci nei.

THULÄÄN NAK 4:1

Moses naw chang gui pyen na gui ci, “Kei naw ka ning m’thien gui ah thukhän avan nami läk vai. Cun ung nangmi ghing u ne, Bawipa nami pupa gui naw a ning pek gui ah khaw cu nami khäm khai.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.