Biblia Todo Logo
Bib sou entènèt

- Piblisite -




ROMAN 10:2 - Cho Bible Common Language 2016

2 Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

Gade chapit la Kopi




ROMAN 10:2
22 Referans Kwoze  

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.


Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.


Kümbe ciah m’khoichaa nak la ng’düng ciah hmuhmat nak awn atäng ah nami yumhni nak cu ang ghotai law pi pi vai ah kei ka taigü ci nei.


Ngami naw, Khanpughi naw chang gui ang düng sak nak gui ah lam cu kä hmu u netah, cun ah lam ung kä hteh ah, ami mät naw k’tha na ne ami pyan ah lam ung hteit ci gui.


Hmuhmat nak ka om ciah m’lung ah ling cu ka nik ci, m’lung ka sau nak naw yaica nak ung ning hteh pui khai.


Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.


Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.


“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.


“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.


Paul naw k’täih ne, “Kei cu Cilicia kho Tarsus gawnu ung ng’tüi ciah Judah chang tumat ah ka kyak ci. Jerusalem ung däm ng’vai law ne, pu pa gui naw ami läk ah thukhän cu Kamaliela ah a lüng ah ka theithang tuk ci. Tuk ngawi nangmi Khanpughi ung nami m’lung a ling ah mäih ah kei phi kam lung ling man ci.


Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.


Ngahmi naw ami peit hning ah kawn ah hang lawn pui khai ah ami peit cu, kei naw akcang ah hmuh ne ka pyein ci nei.


Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.


Cun yah ung ang htei ah nami yeikyai te ci, tuhbäi a i ah nami kia lawk ci ang? Cun yah ung nangmi cu nami m’khüt vai sü ung nami mik hngaw kawih ne nami na pek khai ah nami kyak cu ka pyein ba hlük ci.


Nangmi ah hmawk la Laodicae la Hierapolis ah chang gui ah hmawk ah k’thana ne abi ah mawng cu ng’kheing sei ka ning m’thein gui hning ci nei.


Chang gui naw Paul ah thu cu shin ah thu a pyein güt ngai u netah, “shin ah chang m’dek khan ah kä om tu ba sä, ngawn vä, a ghin tu ba ah kä nik ci nei” cine m’lau ne ng’pyang ci gui.


Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.


Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.


Phäi nau gui aw, kei naw ka chang gui hun nak ami gah vai cu ka m’lung kyong avan awn ng’ya hlü aih netah, ngami ah hmawk ah Khanpughi ah ka taigü ci nei.


Swiv nou:

Piblisite


Piblisite