ROMAN 1:8 - Cho Bible Common Language 2016

⁸ Khomdek khan avan ung nang mi ah yum nak ng’ya pyi ci gui ah kia sei, ak htük bäih ah Zesuh Khrit ah ming ung Khanpughi cu kam hlüngtai ci.

ROMAN 1:8 Referans Kwoze

ROMAN 16:19

Nang mi naw Thu Ni cu a i hlawk ah nami m’lung ung nami khän htek sak cu chang avan naw hmat ci nei. Cun ah kya sei nang mi ah hmawk ah ang htei ah ka yei ci. Nang mi cu ni kyom nak hmat ne lunglang ciah chang ah kya u ne, shetkat nak phiawn nak ciah nami kyak vai ah ka ng’ya hlük ci.

1 KORIN 1:4

Nangmi am Bawi Khrit Jesuh ung geinsei nak a ning pek gui ah hmawk ah Khanpughi cu angtäi sei kam hlüngtai ci.

ROMAN 6:17

Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

KOLOSE 1:3

Nangmi ah hmawk ah kami taigü päng ung mi Bawipa Jesuh Khrit ah Pa Khanpughi cu kami m’hlüngtai ci nei,

PHILIPPIAN 1:3

Nangmi ah mawng ka ngaih-tüh päng ung Khanpughi cu kam hlüngtai ci:

EPHESIAN 1:15

Cun ah kyasei Bawi Jesuh nami yum ah manwg la Khanpughi ah chang gui nami m’hni ah mawng ng’ya netah,

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

MATTHE 24:14

Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

EPHESIAN 3:21

Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

EPHESIAN 1:16

nangmi ah hmawk ah angtäi ah Khanpughi kam hlüngtai ci, ning shüm gui ne ka ning taigü pe gui ci.

1 THESSALONIAN 1:2

Nangmi nami van ah hmawk ah angtäi sei Khanpughi kami m’hlüngtai ci, nangmi ah hmawk ah angtäi sei kami taigü ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

2 TIMOTHI 1:3

Pupa gui ah mäih ah m’lung ngaih theing awn a khuut ka bi ah Khanpughi cu kam kümto ci nei. Amü a ngawi ka taigü nak ung nang cu ning shüm ne Khanpughi cu kam kümto ci nei.

PHILIMON 1:4

Phäihta Philimon, kak taigü päng ung nang ah ming ning pyein ne Khanpughi kam hlüngtai ci nei.