ROMAN 1:7 - Cho Bible Common Language 2016

⁷ Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

ROMAN 1:7 Referans Kwoze

KOLOSE 1:2

Bawi Khrit ung kawng ät nak awn bekhüt ciah phäi nau ah kyak ciah Kolose gawnu ah Khanpughi ah chang gui-am, ca ami guk law nei. Mipa Khanpughi naw am gein nak la dimdeeih nak cu ning m’shum phyuk gui sä.

EPHESIAN 1:2

Mipa Khanpughi la Bawipa Jesuh Khrit ah m’gein nak la dimdeeih nak cu nami khan ah om sä!

1 THESSALONIAN 1:1

Paul, Silas la Timothi ni naw — Pa Khanpughi la Bawipa Jesuh Khrit ah chang gui ah kyak ciah, Thessalonika Khrithabum-am ca kami pe lawk ci nei. M’geinsei nak la dimdeeih nak cu nangmi ah khan ah om sä.

2 JOHAN 1:3

Pa Khanpughi la ah A Htapa Bawipa Jesuh Khrit ah m’geinsei nak, chihna nak la dimdeeih nak cu, thu thuuk shing ne m’hni nak om ciah mikmi ah khan ah om sä.

PHILIMON 1:3

Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

2 THESSALONIAN 3:18

Mi Bawipa Jesuh Khrit ah m’gein nak cu nami van ah khan ah gawk sä.

2 THESSALONIAN 3:16

Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.

THU PHLAAN 22:21

Bawipa Jesuh am geinsei nak cu nami changsing ah khan ah om sä! Amen.

PHILIMON 1:25

Bawipa Jesuh Khrit ah m’geinsei nak cu nami van ah khan ah om sä.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

1 PETER 1:15

Ning khü gui ciah Khanpughi cu theingcim ci kyasei, nami bilawh phung cu theingcim sä.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

1 THESSALONIAN 5:28

Mi Bawipa Jesuh Khrit ah m’gein nak cu nami van ah khan ah be ne om sä.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

PHILIPPIAN 4:23

Bawipa Jesuh Khrit ah m’geinsei nak cu nami van ah khan ah om sä.

PHILIPPIAN 4:20

Mi Pa Khanpughi ung abä khäk nak cu angtäi sei om sä! Amen.

EPHESIAN 6:23

Pa Khanpughi la Bawipa Jesuh Khrit naw khritha phäi nau nami van am, dimdeeih nak, la yum nak awn m’hni nak cu ning pe gui sä.

KALATIAN 6:18

Phäi nau gui aw, mi Bawipa Jesuh Khrit ah m’gein nak cu nami khan ah om sä. Amen.

1 KORIN 16:23

Bawi Jesuh ah m’gein nak cu nami khan ah om sä.

ROMAN 9:25

Hosea ah ca guk ung Khanpughi naw; “Kei ah ka chang ah kä kyak ci gui cu ka chang ah ka khü gui khai; Kä ka m’hni ah changpakhui gui cu, Ka m’hni ah changpakhui ah ka khü gui khai;

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

ROMAN 8:39

m’dek ah khan ah phi kya, m’dek ah kaa ah phi kya, kho ah kaa ung a tüi sho avan naw phi kya; a i naw phi mi Bawipa Jesuh Khrit awn Khanpughi naw ana peit gui ah m’hni nak awn kä nam chaa gui hlawt khai, cicu kei naw akcang ah ka hmat ci nei.

ROMAN 1:6

Rom gawnu ung nami om ciah nang mi cun phi Jesuh Khrit ah chang gui ah Khanpughi naw a ning khü gui pyi ah ka sei, cun ah chang gui ah k’um ah nami kya pyi ci.

THU PHLAAN 2:1

Ephesus khrithabum ah khankho chang-am ca peit law nei; shin ah ca cu akpat lam ah aisi pachih kawt ne, ghui mei ng’düi pachih ah ng’lung ah hteit shüi shüi ciah m’cäi nak ah kyak ci.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

SAM 60:5

Na thagai nak awn na hun gui ne, kami taigü na m’shang gui ä, cun ah kyasei na m’hni ah chang gui cu phyawng khai gui nei.

THULÄÄN NAK 33:12

Ani naw Benjamin pakhui a pyen nak gui gu, “Shin ah pakhui cu Bawipa naw m’hni ci, A shungvong ah kyak ci. Ani naw a hnüüp pum ngäng gui ci, Ani cu ami ng’lung ah om ci.

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

THU PHLAAN 2:12

“Perkamum Khrithabum ah khankho chang-am ca gu ne peit law ne; “Shin ah ca cu vang ah vei ghaat ciah khim shäm ci naw amcäi nak ah kyak ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

1 TIMOTHI 6:2

Khritha bawimang gui ung khleihtein changshäm a om ah a kyak ung, kä ami shedam nak gui vai, phäi nau gui ah kyak ci, ciah ami ngaih vai. Ami hnün thawh peit gui cu, ami m’hni gui ah khritha gui ah kyasei, ngami naw k’tha nah pi ne ami hnün thawh peit gui vai ah kyak ci. Shin ah a mawng gui cu nang naw nam theithang na pyeinsak vai.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

KHEI NAK 6:25

Bawipa naw ning k’dük gui ne ning m’gein gui sä.

LAMKTU 9:13

Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

1 KORIN 1:24

Cun ung phi Jew chang phi bäi, khui hei chang phi bäi, Khanpughi naw a khüpi ah chang phung ah hmawk ah Bawi Khrih cu Khanpughi ah hlüngtai nak la k’cüikhai nak ah kyak ci.

PHILIPPIAN 1:2

Mi Pa Khanpughi la Bawipa Zesuh Khrit naw m’geinsei nak la dimdeeih nak cu ning pe gui sä.

1 THESSALONIAN 1:4

Phäi nau gui aw, Khanpughi naw nangmi cu ning m’hni gui ne, ak chang ah a ning ghü gui cu keimi naw kami hmat ci nei.

2 THESSALONIAN 1:2

Mi Pa Khanpughi la Bawipa Jesuh Khrit naw m’gein nak la dimdeeih nak cu ning pe gui sä.