ROMAN 1:6 - Cho Bible Common Language 2016

⁶ Rom gawnu ung nami om ciah nang mi cun phi Jesuh Khrit ah chang gui ah Khanpughi naw a ning khü gui pyi ah ka sei, cun ah chang gui ah k’um ah nami kya pyi ci.

ROMAN 1:6 Referans Kwoze

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

1 KORIN 1:9

Khanpughi cu düngnak apnak ah kyak ci. Ani naw nangmi cu A Htapa mi Bawipa Jesuh Khrit ung nami ng’awi gei vai ah a ning khü gui ah kyak ci.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

2 THESSALONIAN 2:14

Khanpughi naw, keimi ah Thu Ni pyein nak awn nangmi cu a ning khü gui ah kyak ci. Cun ah a ning khü gui cu, mi Bawipa Jesuh Khrit awn a täng ah abämang nak nami gah tu vai ah hmawk ah kyak ci.

1 THESSALONIAN 2:12

Thamah nak kami ning pe gui ci, m’lung üp ngaih gep nak kami ning pe gui ci, amät ah uknak kho kyong ung lut tu ne, abämang nak nami gah tu vai ah, ning khü gui ciah Khanpughi ah ang yak hlü ah nami ghin vai ah kami ning thawhlet sak gui ci.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

KALATIAN 1:6

Bawi Khrit ah m’gein nak awn nang mi ning khü gui ciah Khanpughi cu, ang ghit ah nawng u ne, ng’Thu Ni a hei nami dou ah hmawk ah ka ning cäi nah gui ci nei.

ROMAN 9:24

Mikmi cu Khanpughi ah na khü ah chang gui ah mi kyak ci. Khanpughi naw mikmi a na khü nak gui ung, Jew chang gui ung kaa bäng ah kä kyak ciah, chang khui hei gui ungka phi khü gui ci.

KOLOSE 1:21

Ayan nangmi cu Khanpughi awn ng’shawng u ne akshe nami bilawh nak la nami ngaih-tüh nak awn aga ah nami kya te ci.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.