ROMAN 1:3 - Cho Bible Common Language 2016

³ Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

ROMAN 1:3 Referans Kwoze

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 10:30

Kapa la kei cu tumat ah kani kyak ci” cik ci.

MATTHE 1:16

Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

2 TIMOTHI 2:8

David ah ng’shon, sih nak näng ne tho ba ciah Bawi khrit Jesuh cu na shüm kheng vai nei, cun cu kam theithang nak ah Thu Ni ung ka pyein ah kyak ci nei.

1 KORIN 1:9

Khanpughi cu düngnak apnak ah kyak ci. Ani naw nangmi cu A Htapa mi Bawipa Jesuh Khrit ung nami ng’awi gei vai ah a ning khü gui ah kyak ci.

LAMKTU 2:30

Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 12:23

Chang gui cu ang htei ah cäicat u netah, “Shin ah chang cu David ah htapa ah kyak khai ang? cine kyak ci gui.

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

MATTHE 1:6

David ungka naw Israel chang gui Babilon kho ah ami hteh püi gui ung khüt ciah ng’shon ah ng’täm law gui cu; David ah hta Solomon (anu cu Uriah ah chu David ah khäm tu ba);

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 JOHAN 5:5

Khomdek khan cu a u naw m’khüt näng khai ang? Bawi Jesuh cu Khanpughi ah Htapa ah yum ciah chang bäng naw m’dekkhan cu m’khüt näng ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

ROMAN 4:1

Cun kawn ah mi pughi Abraham ah mawng cu mi ngaih-tüh khai. Ani ah buiaut law gui cu a i ang!

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

1 KORIN 10:18

Jew chang gui cu teng gui shüm vä; ngami cu khawihnah nak ei ci gui ah kya ne, Khanpughi ah mang kyang ung khawihnah tuk ci gui.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.