Biblia Todo Logo
Bib sou entènèt

- Piblisite -




ROMAN 1:23 - Cho Bible Common Language 2016

23 Kä si hning ciah Khanpughi khawihmah nak vai sü ung, si hning ciah chang, ni, k’phyu kha, khisa ni, k’phyu m’khaw ni gui ah müi gup gui düt pyang ne khawihnah ci gui.

Gade chapit la Kopi




ROMAN 1:23
16 Referans Kwoze  

Ngami naw Khanpughi bämang nak cu, khu ei ciah sei ah gup awn m’thawng ci gui.


Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.


Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei.


Ngami naw Khanpughi ah ng’düng nak cu ak she awn m’thawng ci gui, ngami naw tüi sho ciah Khanpughi cu nawng en u ne, a tüi sho gui düt cu khawihnah ci gui. Cun ah Bawimang cu angtäi sei hlüngtai sä! Amen.


Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.


Cun ah kyasei kei naw akyong ah lut ne ka teng ci. K’paang gui cu k’phyu gui la ahei kä theingcim ciah khisa gui ah pung gui la ahei Israel gui naw ami khawihnah ah pung gui naw küm khai ah ami sawi ah kyak ci.


“Khankho, khomdek la m’dek ah ka tuinu ung om ciah a i ah müi ah mäih ah phi nami hmawk ah a gup kä nami pyan vai.


K’penkbi naw k’peen cu nüt ci. A gup cu lung bawk awn geei ci. A m’shük gui awn vüt ne pyang ci, chang ah müi ah pyang ci, chang ah gup akiom a im kyong ah a tha vai ah pyang ci.


Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?


Nangmi cu khritha ah kä nami kyak pha ung lam hma u ne, kä ghing ciah a gup gui a hlü hlü ah nami khawihnah man cu nami hmat pyi ah kyak ci.


Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!


Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.


Acun ung kuhyawng khisa, phyuciik khamkho, phiukha avan küm ci.


Swiv nou:

Piblisite


Piblisite