ROMAN 1:22 - Cho Bible Common Language 2016

²² Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

ROMAN 1:22 Referans Kwoze

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

NG'THU K'THUUK~ 25:14

Shaitak bi neta kä pe phung ciah chang cu, kho kä aa sak phung ciah khongmei la khokhi ah mäih ah kyak ci.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.