ROMAN 1:21 - Cho Bible Common Language 2016

²¹ Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

ROMAN 1:21 Referans Kwoze

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

JOHAN 3:19

Hma ci m’kat ne m’khoichaa nak ah mawng cu; akdei cu khomdek khan ah gawk lawk ci. Cun ung phi akshe ah om ci gui ah chang gui cun naw, akdei ah mä ak hmüp cu m’hni pi ci gui.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

ROMAN 11:10

Teng ne kä ami hmuh nak thei vai ah ami mik mü sä; Ami yaica nak ah phuih gih awn, amik khei phi angtäi sei ng’khun sä,” cine pyein ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

ROMAN 1:19

Khanpughi ah mawng hmat vai gui phung cu, Khanpughi amät naw a hmat sak gui nak awn Khanpughi naw ngami cu m’kat gui ci.

ROMAN 15:9

Cun bäng ah kä kyak ciah Chang Pakhui hei gui naw phi amät ah chim’gein nak awn Khanpughi ami m’hlüngtai tu hlawt vai ah hmawk ah ani cu kyum lawk ciah kyak ci. Cacim Theing ung; “Cun ah kya sei kei naw chang khui hei gui ah ng’lung ah Khanpughi cu kam hlüngtai khai nei; Ng’äi awn ka m’hlüngtai khai nei,” ciah om ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

HOSEA 2:8

Ani naw Baala khawihnah nak ung amang ah htang ni, sapyit tui ni, olive situi ni, ngui la ghui ni avan cu kei ka pek ah kä pyen phung ci nei.

ISAIAH 60:2

A hei pakhui gui cu a hmüp naw küm gui khai nei. Cun ung phi nang ah khan ah 2Bawipa ah akdei cu ng’shü khai nei; Ani ah om nak ung a pyü khang nak cu mang awn a täng ah om khai nei.

SAM 86:9

Na tüisho ah pakhui avan naw law u ne, ning khawihnah lawk khai gui nei, na ng’ghawtai nak cu ngami naw m’taam khai gui nei.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

THULÄÄN NAK 28:29

Nang cu amik m’dauh ah mäih ah khaw hnüüp khaw ung m’cüm ne, yak ne na hteit khai, na hteh nak vai ah lam cu kä na hmuk khai. Nang cu a i na bi ung phi, bämang nak kä om khai. Nang cu angtäi sei chang naw ning shedam nak khai, ning guttep khai, cun ung phi ning m’hteihtang tuk ci a u kä om khai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

1 GHANGPUGHANG GUI 20:23

Ghangpughang Benhadad ah Bawi gui naw ani cu pyen nak ci gui, “Israel gui ah khanpughi gui cu khomhtung khanpughi gui ah kyak ci gui. Cun ah kyasei Israel gui naw ami na hnim gui ah kyak ci. Cun ung phi ngami awn kho ng’piäu ung mi ng’tuk läi ung mi näng gui khai nei.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

EZEKIEL 20:25

“Cun kawn ah kei naw kä nik ciah thukhän gui la ghin nak pek ciah thumkhän gui cu kei naw ka pe gui ci.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.