ROMAN 1:2 - Cho Bible Common Language 2016

² Cau pui ge ung Khanpughi naw, Thu Ni cu a purofet gui ung pek khai ah a shaitaak cu Cacim Theing ung om ci.

ROMAN 1:2 Referans Kwoze

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

LUKA 1:70

Cau theingthap ciah profet gui-am shaitaak nak a peit gui ah mäih ah,

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

ROMAN 3:21

Cun ung phi Khanpughi ung chang gui ami ng’düng nak vai ah lam cu dang pyi ci nei. Khanpughi ung düng nak cu thukhän nawn na kä kyak ci, cun ah a mawng cu Moses ah Thukhän la puorfet gui naw saksi m’dang ci gui.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

LAMKTU 26:6

Khanpughi naw kami pupa gui ah ma ah a shai taak cu ka ngaih u ah phäh ah tuk bäi shin ung ng’cet nak ka aut ah kyak ci.

MATTHE 1:22

Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci.

LAMKTU 13:32

Tuk bäi kei mi naw Thu Ni cu nang mi ah kami law püi ci, Khanpughi naw a bi lawh gui vai, mi pupa gui ah ma ah shai a taak cu Ami na hta ng’shon gui mikmi ah ma ah, Bawipa Jesuh tho ne a ghin nak ba awn ng’dang pyi ci. Salan ak hnih nak ung; “Nang cu ka Hta ah na kyak ci, tuk ngawi keicu na Pa ah ka kya pyi ci,” ci ne ami guk ah mäih ah kya pyi ci.