ROMAN 1:18 - Cho Bible Common Language 2016

¹⁸ Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

ROMAN 1:18 Referans Kwoze

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

KOLOSE 3:6

A shin ah a mawng gui awn Khanpughi ah m’lung she nak cu, thukhän ng’yak ciah chang gui ah khan ah gawk lawk khai.

2 THESSALONIAN 2:10

Di maih khai gui ah khan ah shetkat nak a hlü hlü cu bik khai. Cun ah chang gui cu di maih khai gui, a i ah kyasei ci ung ngami naw hun phiawn nak ah cacim cu kä m’hni u ne kä ami dou ah hmawk ah kyak ci.

ROMAN 6:13

Nami pumsa cu a i yah ung phi shetkat nak ah hmawk ah kä nami mang en vai. Cun nak vaisü ung, sih nak ungka ghing ba ciah chang gui ah kya ne, nami pumsa cu Khanpughi am nami ap vai, Düng nak ah a mawng ung a ning mang gui vai ah pumsa la ghin nak avan cu, Khanpughi ung nami ng’ap vai nei.

ROMAN 5:9

Mikmi cu Jesuh Khrit ah sih nak awn Khanpughi ung mi ng’düng pyi ci kya sei, Khanpughi ah m’lung k’she nak ung a na k’phiawn gui cu ngaih gep vai kyak ci.

ROMAN 4:15

Thukhän naw Khanpughi ah m’lung k’she nak cu m’dang ci; cun ung phi thukhän kä a om ung m’shekat nak phi kä om khai kyak ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

ROMAN 2:3

Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!

ROMAN 1:19

Khanpughi ah mawng hmat vai gui phung cu, Khanpughi amät naw a hmat sak gui nak awn Khanpughi naw ngami cu m’kat gui ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

ROMAN 3:9

Cun ah a kyak ung mikmi Jew chang gui cu, chang khui hei gui ah mä mi ni kyom nak tuba ah a mawng om ne ang! A i phi mi nikiom nak tuba kä om ci, Jew chang gui la chang khui hei gui avan cu, katnak ah hlüngtai nak kaa ah mi om ah mawng cu kei naw ka pyein pyi ah kyak ci.

2 THESSALONIAN 2:6

Tuhbäi shin gui kä a gawk law pha cu kutshum ci a om ah hmawk ah kyak ci, cun cu nangmi naw nami hmat ci. Akhin a khüm law ung cun ah akshekha säih cu dang lawk khai nei.