Biblia Todo Logo
Bib sou entènèt

- Piblisite -




ROMAN 1:11 - Cho Bible Common Language 2016

11 Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

Gade chapit la Kopi




ROMAN 1:11
32 Referans Kwoze  

Cun ah kyasei nangmi cu shin ah a mawng gui hmuhmat ne, nami yum nak ah thu thuuk ung nami khäng htek pyi ciah a kyak pang ung phi, kei naw angtäi sei ka ning m’shümthein ba gui khai nei.


Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.


Cun ung phi Bawipa cu bekhüt ciah kya ne, thagui ning pe gui ne, akshekha ah tüihtok nak ung ning phiawn gui khai.


Kei cu nang mi ah om nak ah ka law ah a kyak ung, Bawi Khrit ah hrilham ak be law püi ne ka lawk khai ah kei naw akcang ah ka hmat ci nei.


Shin ah ca k’tawi hta cu Silas ah nak khüi vong nak awn ka ning guk law gui nei. Ani cu bekhüt ciah khritha phäunau ah, kei naw ka yum ah kyak ci nei. Shin ah ca cu kei naw k’tha gui ka ning peit nak gui hlü la, shin cu Khanpughi ah m’gein nak akcang ah kiak ci, cicu ka saksi nak ah kyak ci nei. Cun ah m’gein nak ung khäng sei ng’düi vä.


Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.


nik ciah thu pyein ne nik ciah bi nami bi nak vai ah thagui, thamah nak cu ning pe gui sä.


Paul naw ami lu khan ah a kut taih khäh tah Mumcha Theing cu ami khan ah gawk law sei kä hmat ah thu pyein u ne, Khanpughi ah thu phi pyein ci gui.


Cun ah kyasei khrithabum ah yum nak khüighaat law pi k’täi ne, yum tuk ciah chang phi da law pi k’täi ci.


A ngawi ung khaw ngawi hta chang gui cu Tekoa ah pei khawbung ah hteit ci gui. Ngami ami tün law yah ung Jehoshaphat naw shin ah ng’thu pyen na gui ci: “Judah la Jerusalem chang gui! Nami Khanpughi Bawipa cu ngaih u vä. Nangmi khäng sei nami ng’düi khai nei. Ani ah prophet naw a ning m’thein gui päng yum vä, nami näng khai nei.”


A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.


Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.


Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.


Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.


Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.


Nangmi cu Khanpughi ah küikyang ciah m’gein nak cu nami gah ciah kyasei, ngami naw nangmi cu ang htei ah ning yum ngak gui u ne, nangmi ah phäh ah k’taigü khai gui nei.


Bawi Khrih ung kawng ät nak awn keimi la nangmi na ghin sak gui ci cu, Khanpughi a mät ah kyak ci.


Cun kawn ah Khanpughi naw ang yak hlü a om ung, yeikyai nak awn nangmi ah om nak ah law ne nang mi awn a täng ah lünlawi ne ka om tuk khai nei.


Cun ung phi cun ah kho ung ka bi gui vai cu, tuk bäi ka bi pyi ci nei. Nang mi ah ka law vai ah cau pui tüi ne ka ngaih-tüh ah mäih ah,


Cun gui a kyak kawn ah Paul cu Macedonia la Achaia kho ung kaa naw Jerusalem ah hteit khai ah k’bäi ci. Ani naw, “Cu ah ka hteh kawn ah Rom ah phi ka hteit khai” cine pyein ci.


Cun ung phi Ammon ah sih am hnih law kawn ah A hta Absalom cu khaih na ne om dam ci.


Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.


Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!


David naw a im ah khaih neta a pyen cu, “Bethlehem m’kawt pei tuishawk ungka, chang tumat mat naw awk vai tui ana thak law vai cu ka ng’ya hlü aih ci nei.”


Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.


Cun ah ka pyein cu nangmi la kei, a täng ah mi ng’hmuh law ung, kei naw ka yum nak awn, nang mi naw nami yum nak awn, mi ng’hteihtang tu vai hmawk ah kyak ci.


Kei naw shin ah a mawng gui cu ngaih gep ne, nangmi naw hrilham hnih vei nami gah vai ah,


Swiv nou:

Piblisite


Piblisite