PHYAWN NAK 9:3 - Cho Bible Common Language 2016

³ kei naw ka ning m’kyuk khai, na seime gui avan-ng’se gui, la gui, kala uk gui, seipat gui, hto gui me gui ah khan ah kyihkyawk vai ah leigai ka yuk chah khai.

PHYAWN NAK 9:3 Referans Kwoze

LAMKTU 13:11

Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

1 SAMUEL 6:9

Cun kawn ah a hteh cu nami ngäng vai; cun cu Beth Shemesh gawnu täng ah a hteh ah a kyak ung, Israel Khanpughi naw mikmi ah khan ah shin ah kyih vai ah leigai cu tüi lawk ciah kyak khai, kä ah hteh ah a kyak ung, ani naw leigai kä tüi lawk ciah mi hmat khai; amät gawk lawk ciah kyak khai” cik ci.

PHYAWN NAK 8:19

Cee gui naw ghangpughang am, “Shin cu Khanpughi ah bi nei!” cik ci gui. Cun ung phi ghangpughang cu ling ne, Bawipa ah pyen ah mäih ah Moses la Aaron cu kä ngai goi ci.

PHYAWN NAK 5:3

Moses la Aaron naw, “Hebru gui ah Khanpughi naw keimi ung amät cu m’than lawk ci. Khaw hnüüp thum na m’hlawt gui ä, keimi bungpuk ah hteit ne Bawipa kami Khanpughi cu khawihnah nak kami pek khai nei. Cun ah kä kami bi ung ani naw, gawpyam nak la ng’tuk nak awn na ngawn gui khai nei” cik ci goi.

SAM 39:10

Cun kawn ah kä na m’kat en ba ä! Na na tukthah ah hmawk ah ka si lawk khai kyak ci nei.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

ATÜNNAK 47:17

Ngami naw ami seime gui Joseph ah law püi u sei, ng’sela ni, seime ni, htome ni gui cu Joseph naw ei awn m’thawng tu gui ci. Cun ah kum ung ami seime gui avan ah phu ah ei cu tu m’bei gui ci.