PHYAWN NAK 8:9 - Cho Bible Common Language 2016

⁹ Moses naw, “Nang ah phäh ah ka ning taigü pek ah phäh ah ka yei khai. Nang la na bawi gui, na chang gui ah hmawk ah taigü nak vai ah khin cu na k’bäi vai nei. Cun ung nang naw k’u gui cu phai gui ci sei, Nile tuinu bäng ung om khai gui nei.

PHYAWN NAK 8:9 Referans Kwoze

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

1 GHANGPUGHANG GUI 18:25

Cun kawn ah Elijah naw Baala ah prophet gui am, “Nangmi cu nami da ci, nangmi naw vantang cu la neta pyang ma vä. Nami khanpughi ah taigü vä, cun ung phi sing cu mei awn kä nami cih en vai nei” cik ci.

SUKI GUI 7:2

Bawipa naw Kideon am, “Midianit gui ah khan ah kei naw näng nak ka pek gui vai ah kei ah phäh ah nang ah na chang gui cu da aih ci gui. Ngami naw ami mät näng hning ci gui ah ngai khai gui, kei ah bä nak cu kä hmat khai gui.

PHYAWN NAK 8:8

Ghangpughang naw Moses la Aaron cu khü goi neta, “Shin ah k’u gui k’täm gui vai ah Bawipa ah taigü ni ä, cun ung nami chang gui ka hteh sak gui khai, cun ung ngami naw ami Bawipa cu khawihnah pe tak hlawt khai gui nei” cik ci.

PHYAWN NAK 8:10

Ghangpughang naw, “Kei ah hmawk ah ngawi ung taigü ä” cik ci. Moses naw, “Na k’thäh ah mäih ah kei naw ka bik khai, Bawipa, kami Khanpughi ah mäih a hei khanpughi kä om ci, cicu nang naw na hmat khai.

PHYAWN NAK 7:25

Bawipa naw tuinu a thah nak hnüüp chih phlän lawk ci.

PHYAWN NAK 8:11

Nang la na bawi gui, na chang gui naw k’u gui cu nami phai gui khai, Nile tuinu ah kawn ah a hawi phi kä om ba khai gui nei” cik ci.

KHEI NAK 14:20

Bawipa naw m’hlan ne, “Nang naw nak thäh ah mäih ah kei naw ka m’geinsei gui khai.