PHYAWN NAK 8:4 - Cho Bible Common Language 2016

⁴ Cun gui cu nang ah khan ah, na chang gui ah khan la na bawi gui ah khan ah ng’pet ne yong khai gui nei’ cik ci” na ci vai.

PHYAWN NAK 8:4 Referans Kwoze

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 23:9

M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.

ISAIAH 19:22

Bawipa naw Egypt gui cu m’kyuk gui kahi, cun ung phi gai sak ba gui khai. Ngami cu ani ng’hlat lawk khai gui, ani naw taigü cu ng’yak pe gui hlat lawk khai.

ISAIAH 19:11

Zoan mang gaw ah ami ng’vai gui cu ang laam ci gui nei! Egypt gui ah cüivau pikbäih ciah chang naw akshekha pikbäih ah m’shüm thein gui ci nei! Ngami naw, ngami cu cau hmumat chang gui la ghangpughang gui ah ng’shon m’täm ci gui ah pyen ne, ghangpughang am a i ah ami

SAM 107:40

Shedam na gui ci gui cu m’kyuk gui ne, lam kä om ciah bung hmu ah ng’vah sak gui ci.

PHYAWN NAK 8:3

Nile tuinu ung k’u gui bäng ah be khai, ngami cu tui nawng en u ne, na mang im kyong ah lut lawk khai gui, na ih nak a khan, na ih phak ni, na bawi gui la na chang gui ah im gui ni, na eishon im kyong ni, na um k’am avan ung lut khai gui nei.

PHYAWN NAK 8:5

Bawipa naw Moses am, “Aaron na pyen nak vai, ang shopawng kawt ne, tuinu gui, tui m’hlon gui, tui shawk gui ah khan ah k’shäng ne Egypt khaw avan küm khai ah k’u gui a kai sak vai” ci nak ci.

PHYAWN NAK 8:24

Bawipa naw pikying mawng mah cu ghangpughang ah mang im la a bawi gui ah im gui ung yuk chah ci. Cun ah pikying gui naw Egypt khaw avan cu m’di ci gui.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

PHYAWN NAK 10:17

Tuhbäi ka katnak cu na geinsei ne, shin ah kyih vai ah m’kyuk nak cu a thuuk ah a lak ba vai ah Bawipa nami Khanpughi ah taigü vä” cik ci.

KHEI NAK 21:7

Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.