PHYAWN NAK 7:3 - Cho Bible Common Language 2016

^3-4 Cun ung phi ghangpughang cu kei naw ka ling sak khai, ani naw kä ning ngai khai, Egypt khaw ah kyihkyawk vai a i chü ka bi ung phi ani naw a i ah kä ngai khai. Cun kawn ah nuipai ciah m’kyuk nak cu Egypt ah khan ah law püi ne, ka changpakhui gui cu cun ah khaw ungka ka hteh püi ba gui khai.

PHYAWN NAK 7:3 Referans Kwoze

PHYAWN NAK 4:21

Bawipa naw Moses cu ng’thu püi bamä ne, “Tuhbäi nang cu Egypt ah na hteit law ba ci, cäi aih gui vai avan cu ghangpughang ah ma ah na bi kheng vai nei. Cun ah na bi vai kei naw huham ka ning pek ah kyak ci. Cun ung phi kei naw ghangpughang cu ka ling sak khai, ani naw chang gui kä hteh sak gui khai.

PHYAWN NAK 11:9

Bawipa naw Moses am, “Ghangpughang naw nangni cu kä ning ngai goi ne, maa lä khai, cun cu kei naw Egypt khaw ung cäi aih vai gui däm law pi khai ah ka bi vai ah hmawk ah kyak ci.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

SAM 135:9

A cun ah kho ah ghangpughang la abawi gui m’kyuk nak vai ah cäi aih vai la cäicat gui vai cu ani naw m’dang ci.

MIKHAH 7:15

Egypt khaw ah ka na na law püi ba gui yah ungka ah mäih ah keimi ah hmawk ah cäicat vai bi law ba ä, Bawipa!

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

PHYAWN NAK 4:29

Cun kawn ah Moses la Aaron cu Egypt khaw ah a täng ah hteit ba ni neta, Israel chang vai gui cu ng’bum sak gui ci goi.

PHYAWN NAK 4:7

Bawipa naw, “Na kut cu na htu khui ah hei tawn ba mä ä” ci sei, acun ah hei tawn ba ne va saw ba khäta, asa cu akni ah kya ba ci.

ROMAN 9:18

Cun ah kya sei Khanpughi naw ak chimgein hlü cu chimgein ne, a lingkeng sak hlü cu lingkeng sak ci.

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

PHYAWN NAK 7:13

Cun ung phi ghangpughang cu king gäk gäk ne, Bawipa naw a pyen ah mäih ah ghangpughang naw Moses la Aaron cu kä ngai goi ci.

PHYAWN NAK 11:10

Moses la Aaron naw shin ah cäi aih vai gui avan cu ghangpughang ah ma ah m’dang ci goi. Cun ung phi Bawipa naw ghangpughang cu ling sak sei, ani naw Israel gui cu a khaw ungka naw kä hteh sak gui ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

SAM 78:12

Egypt khaw, Zoan hmun ung, ami pupa gui ah ma ah Khanpughi naw cäi aih vai gui cu m’dang te ci nei.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.