PHYAWN NAK 7:2 - Cho Bible Common Language 2016

² Kei naw ka ning m’cäi phung cu Aaron am na m’thein vai, cun ung ani naw, Israel chang gui a khaw ungka kami hteh vai ah ghangpughang am m’thein khai.

PHYAWN NAK 7:2 Referans Kwoze

PHYAWN NAK 4:15

Ani cu ng’thu püi ne a i cha ah ng’thu vai cu na m’thein tu vai. Nani nik hnih nani ng’thu thei vai ah ka ning m’htei goi khai, a i na ni bi vai cu ka ning m’thein goi khai.

PHYAWN NAK 6:29

ani naw, “Kei cu Bawipa nei, ka ning m’thein phung cu, Egypt ghangpughang am na m’thein vai nei” cik ci.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

EZEKIEL 3:17

Ani naw pyen ci, “Hnicim Chang kei naw nang cu Israel pakhui khaw na ngäng khai ah ka ning pyang ci nei kei naw ka ning pekah thuk bäi gui cu ngami am na pyen nak ba gui vai.

EZEKIEL 3:10

Khanpughi naw k’täi ne, “Hnicim Chang, kei naw ka ning m’thein gui phung cu geing na ne ngai ne na shüm ba vai nei.

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

1 GHANGPUGHANG GUI 22:14

Cun ung phi Mikaiah naw, “Ghing ciah Bawipa ung kei naw shai ka tak cu, ani naw ana pyen sak cun vah kei naw ka pyen khai nei!” cik ci.

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

PHYAWN NAK 4:16

Ani cu nang ah ng’thu k’phlan ciah kya ne, chang gui ah ma ah nang ah hmawk ah ng’thu pyen khai. Nang cu ani, a i cha ah ang thu vai ah m’thein ciah Khanpughi ah mäih ah na kyak khai.

PHYAWN NAK 7:6

Moses la Aaron naw, Bawipa naw am cäi goi ah mäih ah bik ci goi.

PHYAWN NAK 5:1

Cun kawn ah Moses la Aaron naw Egypt ghangpughang ah ma ah hteit ne ng’thu ani pyen cu, “Bawipa, Israel Khanpughi naw a pyen cu, ‘Ka chang gui na hteh sak gui vai nei, cun ung ngami naw bungpuk ah, pawi bi ne na m’taam khai gui” ciah kyak ci.