PHYAWN NAK 5:2 - Cho Bible Common Language 2016

² Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

PHYAWN NAK 5:2 Referans Kwoze

PHYAWN NAK 3:19

Kä k’tut ah khoi ung Egypt ghangpughang naw kä ning tüi gui khai ah ka hmat ci nei.

JOB 21:15

Ngami naw Khanpughi ah bi bi vai kä hlü khai, Ani ah taigü vai kä hlü khai ah ngai ci gui.

2 GHANGPUGHANG GUI 18:35

Shin ah kho gui ami van ah khanpughi gui naw ami khopäng gui cu keimi ah uktubawi ah kut ungka hun man ne ang? Cun ah kyasei Bawipa naw Jerusalem mä hun hning khai ah nami ngai ne ma?” cik ci.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

2 SHONTÄP NAK 32:19

Ngami naw “Chang ah kut awn a gup am pyan ah a hei chang gui ah khanpughi gui ah mäih ah Jerusalem ah Khanpughi cun phi pyen nak ci gui.

2 SHONTÄP NAK 32:15

Tuhbäi Hezekiah naw kä ning m’hleei en gui sä, lam she ung kä ning m’shüm en gui sä! Ani kä nami yum vai! A i pakhui ah khanpughi naw phi a chang gui cu a i Assirian uktubawi ah kut ung phi kä hun man ci nei! Cun ah kyasei shin ah nami Khanpughi naw akcang ah kä ning hun gui khai nei!”

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

PHYAWN NAK 7:17

Tuhbäi ka bawi aw, Bawipa naw, ani a u ah a kyak la a i a bi law vai cu ning hmuh sak khai ah pyen ci. Teng ä, kei naw tui ah hmai cu shin ah ng’shopawng awn ka teei khai, tui cu si ah ng’lat khai.

SUKI GUI 2:10

Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.

2 SHONTÄP NAK 32:14

A i sang ung ang, khopäng gui avan ah khanpughi gui naw ami khopäng cu keimi ah kut ungka ami hun man? Nami Khanpughi naw ning hun gui hning khai ah a i ah kyasei nami ngaih ang?

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

JEREMIAH 42:13

Cun ung phi Judah ung nami om ba ciah chang gui naw Bawipa nami khanpughi ui kä nami om vai, shin ah khaw ung om rai ah kä nami maa en vai. “Ka nei kei mi hteit ne Egypt ah kami om khai, au ah ng’tuk nak kä kami aut ba khai, ng’tuk nak ah ng’khii kä Ng’zak ba vai, ei ah kä cawi ba vai” cine kä nami pyen un vai. Cun ah nami pyen ah a kyak ung, m’gäi ciah Bawipa, Israel khanpughi naw pyen ci, “Nangmi cu hteit ne Egypt ah om vai ah nami ling ah a kyak ung,

JEREMIAH 48:26

Bawipa naw pyen ci, “Moab cu awktat sak vä, a i ah kyasei ci un gkei ana hnung tuk püi ah phäh ah kyak ci. Moab cu amät ah m’lauk ung ng’hkei khai, chang gui naw gaih tuk khai gui.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

1 SAMUEL 25:10

Nabala naw ak mü ah, “David? Ani a u ang? Ani ah mawng kä ka ng’ya man ci! Shin ah khaw cu tuhchü ung changshäm dawng ci gui awn be ci nei.

JOB 15:25

Shin cu Khanpughi am a kut m’hnüm ne, M’gäi ciah Bawi hnungtuk püi ciah chang naw a büiawt vai kyak ci.

JOB 15:26

Ani cu m’gäim’cik ne ng’tuk bik ci, Am lung liing sei a shawi kawt ne Khanpughi ng’tuk püi khai ah dawng lawk ci.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.