PHYAWN NAK 5:1 - Cho Bible Common Language 2016

¹ Cun kawn ah Moses la Aaron naw Egypt ghangpughang ah ma ah hteit ne ng’thu ani pyen cu, “Bawipa, Israel Khanpughi naw a pyen cu, ‘Ka chang gui na hteh sak gui vai nei, cun ung ngami naw bungpuk ah, pawi bi ne na m’taam khai gui” ciah kyak ci.

PHYAWN NAK 5:1 Referans Kwoze

PHYAWN NAK 10:9

Moses aw, “Keimi kami van kami hteit khai, kami hmaw gui la a ghi ng’vai gui mah ah kami hteit khai. Kami hta pami, hnumi gui, kami htaw gui, me gui la, sei gui kami hteh püi khai. A i ah kyasei ci ung a cu ah Bawipa m’taam nak pawi kami bik khai” cik ci.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

PHYAWN NAK 3:18

“Ka chang gui naw na ng’thu cu ngai khai gui nei. Nang cu Israel ng’vai gui awn a täng ah Egypt ghangpughang ah hteit neta, “Bawipa, Hebru gui ah Khanpughi naw, amät cu keimi ung m’than lawk ci nei. Keimi bung ah hnüüp thum kami hteh vai na pe gui ä, bungpuk ah pe ta ne Bawipa Khanpughi cu kami khawihnah khai nei” nami ci vai.

1 KORIN 5:8

Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

EZEKIEL 2:6

“Cun ung phi nang, hnicim Chang, nang naw ami mät phi, ami ng’thu chim phi kä na kyit gui vai. Ngami naw ning züisha ne ning päipih khat gui; Cun cu khawm ai ah ng’lung ah om ah mäih ah kyak khai. Cun ung phi cun ah küknet ci gui la ami pyen phung cu kä na kyih en gui vai.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SAM 119:46

Na thumkhän gui cu kei naw ghangpughang gui ah ma ah ka ng’shäu khai, kei cu kä ka lü ng’aa khai.

PHYAWN NAK 4:23

Ka hta na hteh sak vai ah kei naw ka ning m’thein ci, cun ung ani naw kei na khawihnah khai, cungphi nang naw na mak ci, tuhbäi nang ah htahtük cu kei naw ka ngawn khai.

PHYAWN NAK 6:11

“Egypt ghangpughang ah hteit ne na pyen vai, Israel gui cu a khaw ungka a hteh sak gui vai” cine pyen nak ci.

PHYAWN NAK 6:27

Ngani cu Israel chang am hlawt gui vai ah Egypt ghangpughang ah ma ah ng’thu pyen ciah chang ah kyak ci goi.

PHYAWN NAK 7:16

Cun kawn ah ghangpughang am, “Bawipa Hebru gui ah Khanpughi naw, a chang gui na hteh sak gui vai ah ka ning m’thein vai ah ana tüih law nei, cun ung va ngami naw ani cu bung ah khawihnah hning khai gui. Cun ung phi tuhbäi güt nang naw kä na ngai ci.

PHYAWN NAK 8:1

Cun kawn ah Bawipa naw Moses am, “Ghangpughang ah hteit ne Bawipa ah ng’thu na m’thein vai, ‘Ka chang gui hteh sak gui ä, cun ung na khawihnah khai gui nei.

PHYAWN NAK 8:20

Bawipa naw Moses am, “Ngawi ung khaw ngawi hta, ghangpughang tui ah a hteh nak lam ah hteit ne, hmu neta, Bawipa ah ng’thu na m’thein vai cu, ‘Ka chang gui na hteh sak gui vai, cun ung ngami naw na khawihnah hning khai gui.

PHYAWN NAK 33:13

A cun k’cang ah na kyak ung na pawng püi nak cu a tuhbäi na m’thein ä. Cun ung kei naw na khuut bi ne, k’täi ne ka ning yei nak khai nei. Nang naw shin ah pakhui cu na kaa ah na ghü cun phi na shüm ba vai nei” cik ci.

PHYAWN NAK 7:2

Kei naw ka ning m’cäi phung cu Aaron am na m’thein vai, cun ung ani naw, Israel chang gui a khaw ungka kami hteh vai ah ghangpughang am m’thein khai.

PHYAWN NAK 8:16

Bawipa naw Moses am, “Aaron naw ang shopawng awn m’dek a thah vai ah na pyen nak vai, Egypt khaw avan ung m’vut khui cu khogang ah kya yawp khai” cik ci.

PHYAWN NAK 8:17

Aaron naw khomdek cu ang shopawng awn that khäta, Egypt khaw avan ung m’vut cu khogang ah kya yawp ne, chang gui la khisa avan cu küm yawp ci.

PHYAWN NAK 8:27

Keimi naw hnüüp thum hteit neta bung ah Bawipa kami Khanpughi cu ana thumkhän gui ah mäih ah kami pektak khawihnah khai nei” cik ci.

PHYAWN NAK 9:1

Bawipa naw Moses am, “Bawipa, Hebru gui ah Khanpughi ah ng’thu cu ghangpughang am hteit ne na m’thein vai, Ka chang gui hteh sak gui ä, cun ung ngami naw na khawihnah khai gui nei.

PHYAWN NAK 9:2

Kä hteh sak gui ne na om ba mä ah a kyak ung,

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 10:4

Nang cu na maa laih laih ah a kyak ung ngawi ung na khaw ah khan ah khanpeh gui ka law püi khai nei.