PHYAWN NAK 4:1 - Cho Bible Common Language 2016

¹ Cun kawn ah Moses naw Bawipa am shan ba cu, “Israel chang gui naw kä ami na yum ah a kyak ung, ka ng’thu kä ami ngaih ah a kyak ung, ngami naw nang a i ah kä na dang khai ah ami pyen ah a kyak ung, a i ah ka kyak khai ang?

PHYAWN NAK 4:1 Referans Kwoze

PHYAWN NAK 3:18

“Ka chang gui naw na ng’thu cu ngai khai gui nei. Nang cu Israel ng’vai gui awn a täng ah Egypt ghangpughang ah hteit neta, “Bawipa, Hebru gui ah Khanpughi naw, amät cu keimi ung m’than lawk ci nei. Keimi bung ah hnüüp thum kami hteh vai na pe gui ä, bungpuk ah pe ta ne Bawipa Khanpughi cu kami khawihnah khai nei” nami ci vai.

LAMKTU 7:25

(Moses naw, Khanpughi naw Israel chang gui k’phiawn gui khai ah a tüih cu, ak chang gui naw hmat khai gui ah ngai ci, cun ung phi ngami naw kä hmat ci gui.)

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

JEREMIAH 1:6

Kei naw ka m’shang ci, “Uk ciah Bawipa kei ka hmaw aih ci, a i hawkcha cha ka ng’htau vai kä ka hmat ci.”

PHYAWN NAK 6:30

Cun ung phi Moses naw, “Kei cu kä ka ng’thu thei ciah nang naw na hmat ci nei; a i hawkcha ah ghangpughang naw kei cu na ngai khai ang?” cik ci.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

PHYAWN NAK 2:14

Cun ah chang naw, “A u naw ang nang cu uktu la suki ah a ning hmoh? Egypt chang na ngawn ah mäih ah kei na na ngawn hlük ci ma?” cik ci. Moses cu kyi neta amät ng’htau ne, “Kei ah ka bi cu chang gui naw hmat ci gui kyak ci nei” cik ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

PHYAWN NAK 3:16

Hteit ne Israel ng’vaihta gui cu ng’bum püi gui ne, Kei, Bawipa ami pupa gui ah Khanpughi, Abraham, Isaak la Jakob ni ah Khanpughi, na ma ah ka dang cu na m’thein gui vai nei. Kei cu ngami ah law ne, Egypt gui naw ami khan ah ami bi gui cu ka hmuk ci nei, cicu na m’thein gui vai nei.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

PHYAWN NAK 4:30

Bawipa naw Moses ah ma ah a pyen ah ng’thu avan cu Aaron naw m’thein gui ci. Moses naw cäi aih vai gui avan cu chang gui ah ma ah m’dang ci.

PHYAWN NAK 6:12

Moses naw, “Israel chang gui hngaw naw ka ng’thu kä ami ngaih ung, a i cha ah ghangpughang naw ana ngaih vai ang? Kei cu kä ka ng’thu thei ci nei” ci tu ba ci.

1 GHANGPUGHANG GUI 13:3

Prophet naw k’täi ne pyen ba ne, “Shin ah sonkiang cu ng’phye ne ng’gäi khai, acun ah khan ungka m’vut gui cu ng’phyang yawp khai. Cun kawn ah kei ung Bawipa naw ng’thu pyen ciah nang naw na hmat khai.”

SUKI GUI 6:17

Kideon naw, “nang cu kei ung na yeikyai ciah a kyak ung, nang cu Bawipa akcang ah na kyak ah mawng kei am anm dang law ä.