PHYAWN NAK 3:1 - Cho Bible Common Language 2016

¹ Hnüüp ät ung Moses naw akawi Midian taigüpa, Jethro ah htome gui shäm ne a om yah ung, ani cu htome gui hoi ne, kiangma phlän ne, khomhtung theing Sinai ah law ba ci.

PHYAWN NAK 3:1 Referans Kwoze

1 GHANGPUGHANG GUI 19:8

Elijah cu tho law neta ei aw ba ci, a ei awk naw k’thagui pe sei hnüüp phli kip ung hteit ne khomhtung theing Sinai ah gawk ci.

PHYAWN NAK 17:6

Sinai m’htung naw lungsheng khan ah ma ah ka ng’düi khai nei, cun ah lung cu na thah ung, tui lut lawk khai, chang gui naw awk khai gui” cik ci. Moses naw Israel ang vai gui ah ma ah a cun ah bik ci.

KHEI NAK 10:29

Moses naw ak kawi Midian chang, Jethro ah hta Hobab am, “Bawipa naw na pe gui khai ah a pyen nak ah hmun ung tün ne mi gawk lawk ci. Ani naw Israel gui cu büh mang sak gui khai ah shaitak ci. Cun ah kyasei keimi awn a täng ah law tu vä. Keimi naw büh mang nak cu ka mi ning pai tu gui khai nei” cik ci.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

SUKI GUI 4:11

Acun sang ung Kenite chang Heber naw Kedesh ah pei Zanannim ung, m’dum ghing hneit ung phung tu ne om ci. Ani cu Moses ah kawi Hobab ah hta ng’shon, a hei kenite ung ka ng’plon lawk ciah kyak ci.

PHYAWN NAK 19:11

cituh hnüüp cu ami pawng ge vai nei. Cun ah hnüüp ung Sinai m’htung ah kei ka lawk khai. Acu ah chang avan naw na hmuk khai gui.

LUKA 2:8

Cun ah kho ung htomeshäm gui cu khomü ah khodo yung ah htome ngäng ne om ci gui.

SAM 106:19

Ngami naw Sinai m’htung ah seipat hta gup cu ghui awn pyang u neta, cun ah gup cu khawihnah ci gui;

THULÄÄN NAK 4:10

Sinai M’htung ah Bawipa nami Khanpughi ah ma ah nami düih nak ah hnüüp ah mawng, cun yah ung ani naw ana pyen nak cu ‘Chang gui bum gui vä, kei naw ka pyen law vai cu ngami naw ami ng’yak vai ka ng’ya hlük ci nei. Cun ah kyasei ami ghin nak chuih kei ami na läk vai cu ng’thei khai gui, ami hta nau gui phi acun ah ami bi vai ah m’thein gui khai gui.

THULÄÄN NAK 1:6

“Keimi Sinai M’thung ah kami om yah ung Bawipa kami Khanpughi naw ana pyen nak gui cu, nangmi shin ah m’htung ung nami om cu shou lawk ci,

PHYAWN NAK 24:13

Moses la ani bawm ciah Joshua cu pawng ge ni neta, Moses cu m’htung theing ung hang kai vük ci.

PHYAWN NAK 19:3

Moses cu Khanpughi hmuk khai ah m’htung ah hang kai ci. Bawipa naw khomhtung ah om ne, ani cu khü neta, Jakob ah hta ng’shon Israel gui a pyen nak gui vai ah thu m’thein gui ci.

PHYAWN NAK 3:5

Khanpughi naw, “Kä ang nawn nen law ä, Na phahnak suut ä, nang cu khaw hmun theing ung na ng’düi ci nei.

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

PHYAWN NAK 4:27

Cun sang ung Bawipa naw Aaron am, “Moses na hmuk khai ah bung ah hteit ä” cik ci. Cun ah kyasei ani hmuk khai ah khomhtung theing ah hteit ci, ani naw Moses cu hmu neta ng’ui ci.

PHYAWN NAK 2:21

Cun ah kyasei Moses naw, a cu ah om tuk khai ah k’bäi ci. Jethro naw a hta hnumi Zipporah awn ng’chungla sak goi ci.

PHYAWN NAK 2:18

Ngami cu ami pa ah hteit ba u khäta, ami pa naw, “A i ah kyasei tuh ngawi ang dawt ah nami law ba ang?” cine ng’shi gui ci.

LAMKTU 7:30

Khaw kum phli-kip lüng khä tah Sinai khaw m’htung pei ‘pya lün nu ah, mei ah däi ciah k’plup ah ng’lung ah khankho chang cu Moses ah hmuh ah ng’dang ci.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

PHYAWN NAK 4:18

Cun kawn ah Moses cu akawi Jethro ah hteit ba neta ani am, “Egypt khaw ah ka mätyah gui ah ka hteit ba hlük ci, ami ghin yah ung ka hmu ba hlü gui ci nei” cik ci. Jethro naw yum ne hteh ba sak ci.

PHYAWN NAK 18:12

Cun kawn ah Jethro naw avan m’khih ne douthak vai la Khanpughi am douthak vai ah khawihnah nak gui cu, law püi ci. Aaron la Israel ng’vai gui ami van cu ani awn a täng ah hteit u ne, ei theing ei ne, khawihnah nak bik ci gui.

PHYAWN NAK 33:6

Cun ah kyasei Sinai M’htung ami hteh tak kawn ah Israel chang gui naw ghui lung kä äh awi ba ci gui.

THULÄÄN NAK 1:2

Sinai M’htung ungka naw Kadesh Barnea ung gawk vai ah Edom kho gui täng ah hteh ung hnüüp gha lei ät lüng ci.

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

1 SAMUEL 16:11

Cun kawn ah ani naw, “Na hta om ba mä naw” cine ng’shi ba ci. Jesse naw, “A hmaw pi om ba ci, cun ung phi ani cu htome shäm ci. Samuel naw, “Shia ah alaw vai ah va m’thein vä, Ani kä a law pha ah chuih khoihnak nak kä mi dou thak khai” cik ci.

1 GHANGPUGHANG GUI 19:19

Elijah cu acun ungka naw hteit neta vantang bum awn lai thawn ne om ciah Elisha cu hmuk ci; ani ah ma ung vantang bum gha lei ät naw lai thawn ci, ani cu ak hnu bäih bum ät awn thawn ci. Elijah naw a suinu cu suut neta Elisha am m’sui ci.