PHYAWN NAK 13:3 - Cho Bible Common Language 2016

³ Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.

PHYAWN NAK 13:3 Referans Kwoze

THULÄÄN NAK 24:18

Nangmi Egypt khaw ah changshäm ah nami kyak, Bawipa nami Khanpughi naw a ning m’hlawt ba gui cu, nami shüm ba vai; cun cu kei naw thumkhän ka ning pek nak gui ah a mawng ah kyak ci.

THULÄÄN NAK 5:15

Egypt khaw ah changshäm ah nami kyak cu nami shüm ba vai. Kei, Bawipa nami Khanpughi naw dämduh ciah ka huham la ka thagui awn ka ning gung gui ci. Cun cu kyiin hnüüp nami geng nak vai ah ka ning thumkhän gui ah kyak ci.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

THULÄÄN NAK 16:12

Shin ah thumkhän gui nami läk ciah ng’khäntang vä. Egypt khaw ah changshäm ah nami kyak man cu kä nami m’hnih en vai nei.

THULÄÄN NAK 5:6

‘Kei cu Bawipa nami Khanpughi nei, changshäm ah nami kyak nak ah Egypt khaw ungka ka ning gung gui ci.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

THULÄÄN NAK 6:12

Egypt khaw ah changshäm ah nami kiakyah ung ning gung gui ciah Bawipa cu kä nami m’hnih vai ah nami ngaih nak vai.

THULÄÄN NAK 16:3

Shin ah ei nami ei law ah akiak ung k’caw shum ne pyan ah m’htut kä nami ei en vai, kho hnüüp chih ung nangmi cu k’caw kä shum ah m’htut nami ei vai. Cun cu nangmi naw Egypt khaw ang ghit ah nami hteh tak law vai ung nami bi ah mäih ah kyak ci. Shin ah m’htut nami ei vai, Cun cu yaica nak ah m’htut ah pyen vai. Cun ah kya sei yaica nak a hmun, Egypt khaw ungka naw nami law ba nak ah hnüüp cu nami ghin ah chuih nami shüm ba vai ah kyak ci.

THULÄÄN NAK 8:14

Chang ah kä nami ng’shei vai ah nami cimgang vai. Changshäm ah nami kyak nak ah Egypt khaw ungka ning gung gui ciah Bawipa nami Khanpughi kä nami m’hnih vai.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

JOSHUA 24:17

Bawipa kami Khanpughi naw keimi la kami pa gui cu, Egypt khaw ah khleihtein ungka, na k’plawk ba gui ci nei, ani naw am dang ah cäi aih vai gui cu kami hmuk ci nei. Keimi naw kami kaan law ah chang pakhui gui avan ah ng’lung ah kami hteh nak päng ung ani naw k’pang ne na k’phyawn gui ci nei.

THULÄÄN NAK 13:10

Sik khai ah lung awn nami vawih vai, chang shäm ah nami kyak nak ah Egypt khaw ung ning gung gui ciah Bawipa nami Khanpughi ungka naw alam hei ung nami hteit khai ah ani naw ning m’shüm gui ci.

THULÄÄN NAK 24:22

Egypt khaw ah changshäm ah nami kyak man cu kä nami m’hnih phung vai; a cun ah phäh ah kei naw shin ah thumkhän gui ka ning pek gui ah kyak ci nei.

PHYAWN NAK 12:42

Cun ah mü cu Bawipa naw ngäng gui ne, Egypt khaw ungka a lak nak gui ah kyak ci. Cu mü cu amü pum akhin avan ung Bawipa ung ng’ap nak ah kya ne, Israel gui naw ami ngäng nak ah mü ah kyak ci.

THULÄÄN NAK 13:5

Cun ung phi changshäm ah nami kyak nak ah Egypt khaw ah kaa ning gung gui ciahBawipa hnungtuk püi ne, ng’thu ning m’thein gui ciah mang phlan ci, kä cun ung, prophet cu sih nak nami pek vai nei. Cun ah mäih cu changshe ah kyak ci. Cun ah chang naw, Bawipa naw nami om ih vai ah a ning thumkhän gui ah ghin nak ungka a lam hei ung ning hteh püi gui ci nei. Ani cu ngawn vai, cun cu shin ah akshe nami mät ungka nami nawt heng ah kyak ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

PHYAWN NAK 20:8

“Kyiin hnüüp cu ngaih na ne nami theingciim sak vai.

PHYAWN NAK 12:19

Hnüüp chih ah kyong ung nami im kyong ah k’caw kä a om en vai, tumat mat ung a om ah a kyak ung, khaw mah ah a kyak ung phi, khaw hei chang ah a kyak ung phi, k’caw shum ah m’htut ei ci phung cu, kei ah ka chang ah kä kya tuba khai nei” cik ci.

PHYAWN NAK 12:8

Acu mü cun ah meh cu ng’shai neta, ankha la k’co kä shum ah m’htut awn meh ne ei vai.

PHYAWN NAK 6:1

Cun kawn ah Bawipa naw Moses am, “Ghangpughang ah khan kei naw a i ka bi cu tuhbäi nang naw na hmuk khai nei. Ka chang gui a hteh sak gui vai ah ka k’tut khai nei. Ani naw a khaw ungka aktäm gui vai ah akcang ah ka k’tut khai nei” cik ci.

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

PHYAWN NAK 12:15

Bawipa naw, “Khaw hnüüp chih ung k’caw shum ah m’htut kä nami ei en vai, k’caw kä shum ah m’htut bäng nami ei vai. A hnüüp ät hnüüp nami im ungka k’caw avan nami ghawh vai. Cun ah hnüüp chih ah kyong ung chang tumat mat naw, k’caw shum ah m’htut a ei ah a kyak ung ani cu kei ah chang ah kä kya ba khai.

SAM 105:5

Nangmi, Abraham akchang shäm ah ning shon gui; nangmi, Jakob akchang gü ah ning shon gui. Khanpughi naw cäiaih vai gui a bi cu shüm vä, m’khoi m’cha nak a ning pek gui cu hmat vä,

EPHESIAN 1:19

Ani yum ciah chang gui ung gawklawk ciah a hlüngtai nak cu a i hlawk ah küikyang ciah nami hmat vai ah kyak ci. Nangmi ung gawklawk ciah cun ah hlüngtai nak cu,

1 KORIN 11:24

Khanpughi m’hlüngtai netah, m’htut cu k’bou ne, “Shin cu nangmi ah hmawk ah kak bou ah ka pumsa ah kyak ci, kei nami na shüm ba nak ah, shikchaa ah nami bi vai nei” cine pyein ci.

1 KORIN 5:8

Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

1 SHONTÄP NAK 16:12

Nangmi Jakob ah htangshon, Khanpughi ah changshäm gui, Khanpughi naw a ghü ah Israel ah htangshon gui, Khanpughi naw am dang ah cäi aih vai gui la ani naw a pek ah ng’thumcha nak gui cu shüm ba vä.

MATTHE 10:12

Im kyong ah nami gawk ung ‘yeikyai nak om sä’ cine nami yavaih vai.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

PHYAWN NAK 12:17

Shin ah pawi cu nami k’pan kheng vai, a i ah kyasei ci ung cun ah hnüüp ung na pakhui gui cu, Egypt khaw ungka ka k’plawk ba gui ci nei. Ngawi yä shin ah hnüüp ung pawi nami bi vai nei.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

THULÄÄN NAK 7:8

Cun ung phi Bawipa naw ning m’hni gui ci. Nami pupa gui awn abi ah shaitak cu khän htek sak hlük ci. Cun cu ani naw dämduh ciah am gäi nak awn, a ning hun gui la Egypt ghangpughang ah changshäm ungka a ning m’hlawt gui ah hmawk ah kyak ci.

SAM 114:1

Israel chang gui naw Egypt kho ami nawng shüt sangung, Jakob ah hta ng’shon gui naw cun ah kho hei ami nawng shüt sang ung,

SAM 136:11

Israel chang gui cu Egypt kho k’pung ah hteh püi ba gui ci; Ani ah m’hni nak cu ng’täi ci nei;

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

PHYAWN NAK 12:2

“Shin ah cha cu khokum ung nangmi ah hmawk ah ak htük bäih cha ah kyak khai nei.

PHYAWN NAK 12:41

Kum 430 ang pyi hnüüp ung Bawipa ah pakhui chang avan cu Egypt khaw ungka hteit ci gui.

PHYAWN NAK 34:18

“K’caw kä shum ah m’htut htun ne pawi cu nami bi kheng geng vai. Thumkhän ka ning pek gui ah mäih ah Abib cha khaw hnüüp chih ung k’caw kä shum ah m’htut nami ei vai, a i ah kyasei ci ung cun ah cha cu Egypt khaw nami hteh tak nak ah kyak ci.

THULÄÄN NAK 6:21

Nami m’thein gui vai cu, keimi cu Egypt ghangpughang ah changshäm ah kami kya te ci, Bawipa naw dämduh ciah a huham awn ana gun gui nei.

THULÄÄN NAK 9:12

“Bawipa naw kei ana pyen nak cu, Khomhtung ungka tuhbäi yu kyum ba ä, a i ah kyasei ci ung Egypt khaw ah ka na chuiso law ba gui ah na chang gui cu shekha u ne akshe bik ci gui nei. Kei naw nami bi vai ka thumkhän gui ungka naw ng’hlat pyi ci gui nei. Ami mät ah hmawk ah a gup pyang ci gui nei.”

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.

THULÄÄN NAK 13:11

Cun ung Israel chang gui ami van naw a i, i ah kyak ciah hmat khai gui. Ngami cu kyik khai gui, A u naw phi cun ah mäih ah akshe cu a ngawi ah phi kä bi ba khai.

THULÄÄN NAK 16:1

Bawipa nami Khanpughi cu Abib cha ung phyawn nak pawi bi ne nami m’taam khah vai. Acun ah cha khomü ung ani naw Egypt khaw ungka a ning gun gui ah kyak ci.

THULÄÄN NAK 26:8

Amät ah dämduh ciah huham la thagui awn Egypt khaw ungka na gung gui ci. Ani naw cäi aih gui vai cäicat gui vai bi ne, kyihkyawk gui vai phi kyak sak ci.

SUKI GUI 2:12

Ngami naw Egypt ah ka law püi ba gui ciah Khanpughi, ami pupa gui ah Khanpughi, Bawipa ami khawihnah nak cu nawng u ne, a mi pei yung ah om ciah chang gui ah ami khawihnah ah ami khanpughi gui cu tün ne khawihnah tuk ci gui. Ngami naw acun gui ah ma ah kawp u ne Bawipa cu m’lungshe sak ci gui.

SUKI GUI 6:8

Cun ah kyasei ani naw Bawipa Israel Khanpughi ung ka shin ah ng’thu law püi ciah prophet cu tüih law gui ci: “Kei naw Egypt khaw ah khleihtein ah nami kyaknak ung ka, ka ning law püi ba gui ci.

NEHEMIAH 1:10

“Bawipa, shin gui cu nang ah chang gui nei, namät ah chang gui nei. Nang naw dämduh ciah na huham la k’thagui awn na gun gui nei.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.

SAM 136:12

Cun cu khüighat ciah a kut la huham ah ciah a ban awn ah kyak ci; Ani ah m’hni nak cu ng’täi ci nei.

JEREMIAH 34:13

Israel khanpughi naw Chang gui ka pyen nak gui vai ah na m’thein ci: kei naw nami pupa gui cu Egypt ung ka gun gui yah la khlei htein ungka ka m’hlawt gui yah ung thukaän ka bi püi gui ci kei naw ka m’thein gui cu

DANIEL 9:15

O Bawipa kami Khanpughi, Na chang gui Egypt khaw ah kaa na law püi ba nak gui awn na huham cu na dang sak ci nei, na huham cu shüm lä ci gui nei. Keimi cu kami hmakat ci, cheishoh khai ah kami bik ci nei.