PHYAWN NAK 12:3 - Cho Bible Common Language 2016

³ Israel chang avan am shin ah m’cäi nak cu pe vä. Shin ah cha ah a hnüüp gha hnüüp ung, a chang sing naw amät ah kyong khui ah phäh ah htome hta, kä cung me hta cu a ghü vai.

PHYAWN NAK 12:3 Referans Kwoze

1 KORIN 5:7

K’caw k’phyim ah kyak ciah katnak cu nami nawng shüt vai, cun ung vah nangmi cu nami theingcim lawk khai. Cun ung nangmi cu k’caw kä shum ah m’htut den k’thai ah mäih ah nami kyak khai. Cun ah nangmi akcang ah nami kyak cu kei naw ka hmat ci. Mikmi ah phiawnnak Htome ah kyak ciah Bawi Khrih awn ng’küikyan pyi ah kya sei, phiawnnak pawi cu bige vai kyak ci nei.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

TAIGÜTHUM 1:2

Cun cu Israel gui naw khawihnah nak ami douthak law ung ami läk vai ah kyak ci. Chang tumat naw seime awn a khawihnah douthak law ung cun cu amät ah sei ah baw, me ah baw, htome ah baw kyak khai.

JOHAN 12:12

A ngawi ung Pasakha pawi ung lawk ciah chang khli naw, Bawipa Jesuh cu Jerusalem ah lawk khai cicu ng’yak ci gui.

JOHAN 1:36

“Teng tu vä, Khanpughi ah Htome hta cu ani nei” cik ci.

2 SHONTÄP NAK 35:7

Phyawn nak pawi ung chang gui naw ami mang vai ah Ghangpughang Josiah naw amät ah sei mak, me mak gui ungka, htome, htome hta la me hta gui phia phia thumkip la vantang phia thum kip cu petak gui ci.

KHEI NAK 15:11

Shin cu vantang, htome m’ca, htome hta la me hta awn a täng ah douthak vai ah kyak ci.

PHYAWN NAK 12:6

Cun ah cha ah a hnüüp gha lei phli hnüüp khaw kä a hmüp pha ung, Israel gui ami van naw htome gui cu ami ngawn vai.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

PHYAWN NAK 4:30

Bawipa naw Moses ah ma ah a pyen ah ng’thu avan cu Aaron naw m’thein gui ci. Moses naw cäi aih vai gui avan cu chang gui ah ma ah m’dang ci.

ATÜNNAK 4:4

Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

1 SAMUEL 7:9

Samuel naw htome hta ngawn ne, avan m’khih ne Bawipa cu khawihnah ci. Ani naw Israel gui am htei vai ah Bawipa ah taigü sei, Bawipa naw ak taigü ngai ci.

JOSHUA 7:14

Cun ah kyasei na m’thein gui vai, ngawi ung khaw ngawi pakhui tumat täi ah na law püi gui vai, kei naw ka tawk ah pakhui cu pahta tumat täi ah ma lam ah ami law vai. Kei naw ka tawk ah pahta cu kyong khui tumat täi ah ma lam ah ami law vai. Kei naw ka tawk ah kyong khui cu chang tumat täi ah ma lam ah ami law vai.

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

PHYAWN NAK 14:15

Bawipa naw Moses am, “A i ah kyasei, ning m’htei vai ah na ng’khü ang? Ma lam ah hteh vai ah chang gui m’thein gui ä.

JOHAN 12:1

Pasakha pawi ami bi nak vai hnüüp chuk m’hni ba khätah, Bawipa Jesuh cu Bethani ah hteit ne, sih nak ungka tho ba ciah Lazaruh ah im ah om tuk ci.

PHYAWN NAK 12:2

“Shin ah cha cu khokum ung nangmi ah hmawk ah ak htük bäih cha ah kyak khai nei.

PHYAWN NAK 12:4

Amät ah kyong naw chang ken u ne kä ami ei yawp ah a kyak ung amät la a pei ng’leng ah ka naw cun ah meh cu ami ng’pai vai. Chang ami khei ah ci ah, ami ng’küm ah ami chaw phäh phäh ami ei vai.

PHYAWN NAK 12:21

Moses naw Israel chang ng’vai gui ami van khü gui neta, “A chang sing naw htome hta baw, me hta baw ghü neta, nami ngawn vai, cun ung nami kyong chang naw phyawn nak pawi nami bik ciah kyak ci.

EZEKIEL 40:1

Cun cu khokum thai ah a hnüüp gha nak ah kyak ci, omktu ah ami nah hteh püi gui kawn ah a kum m’ku lei hma nak, Jerusalem tu ne ami khäm kawn ah akum gha lei phli nak ah kyak ci. Cun ah hnüüp ung kei cu Bawipa naw a huham awn na be sak neta a hei ah na hteh püi ci.