PHYAWN NAK 12:2 - Cho Bible Common Language 2016

² “Shin ah cha cu khokum ung nangmi ah hmawk ah ak htük bäih cha ah kyak khai nei.

PHYAWN NAK 12:2 Referans Kwoze

PHYAWN NAK 13:4

Nangmi naw Egypt khaw nami hteh tak nak cu a cha ät nak Abib cha ah kyak ci.

THULÄÄN NAK 16:1

Bawipa nami Khanpughi cu Abib cha ung phyawn nak pawi bi ne nami m’taam khah vai. Acun ah cha khomü ung ani naw Egypt khaw ungka a ning gun gui ah kyak ci.

PHYAWN NAK 34:18

“K’caw kä shum ah m’htut htun ne pawi cu nami bi kheng geng vai. Thumkhän ka ning pek gui ah mäih ah Abib cha khaw hnüüp chih ung k’caw kä shum ah m’htut nami ei vai, a i ah kyasei ci ung cun ah cha cu Egypt khaw nami hteh tak nak ah kyak ci.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

KHEI NAK 28:16

Bawipa m’tam nak ah phyawn nak pawi cu a cha ät nak ah a hnüüp gha-lei-phli ung be vai.

TAIGÜTHUM 23:5

Phyawn nak pawi Bawipa m’tamkhah nak cu, acha ät nak ah a hnüüp gha lei phli hnüüp, hni ang shü law ung nami tün vai.

ESTA 3:7

Ghangpughang Ahasuerus ah uknak a kum gha lei goi nak, ak htük bäih ah cha, Nisan cha ung Haman naw ng’thu k’bäi ne, “Purim” ah ami pyen ah m’shüih tawk nea bi nak vai ah hnüüp la cha cu ghü ci. Ani naw a cha gha lei goi nak ah Adar cha ah a hnüüp gha lei thum ah k’bäi ci.

PHYAWN NAK 12:1

Bawipa naw Egypt khaw ah Moses la Aaron cu ng’thu püi goi ci;

PHYAWN NAK 12:3

Israel chang avan am shin ah m’cäi nak cu pe vä. Shin ah cha ah a hnüüp gha hnüüp ung, a chang sing naw amät ah kyong khui ah phäh ah htome hta, kä cung me hta cu a ghü vai.

PHYAWN NAK 12:18

A cha ät nak a hnüüp gha lei phli hnüüp mühun ah tün ne, a hnüüp m’ku lei ät nak mühun ung khüt khai ah k’caw shum ah m’htut cu kä nami ei phung vai.

EZEKIEL 45:18

Uktu Bawipa naw pyen ci, “A cha ät nak ah a hnüüp ät nak ung nangmi naw kä khei hlik en ciah vantang awn khawihnah ne, Taigüim cu nami thiengthap sak vai.

PHYAWN NAK 13:3

Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.

PHYAWN NAK 40:17

Egypt khaw ami hteh tak nak a kum goi nak, a cha ät nak ah a hnüüp ät nak ung, Bawipa ah om nak ah Phung cu co ci gui.

EZEKIEL 45:21

“A cha ät nak ah a hnüüp gha lei phli ung phiawn ak pawi cu nami tün khai. Khaw hnüüp chih ung chang päng naw k’caw kä shum ah m’htut cu ei khai.