PHYAWN NAK 11:3 - Cho Bible Common Language 2016

³ Bawipa naw, Israel chang gui cu Egypt chang gui naw ami chang m’sui gui vai ah bik ci. Akcang ah bawi gui la chang avan naw Moses cu, chang m’gäi chang küikyang ah kyak ci, ciah k’bäi ci gui.

PHYAWN NAK 11:3 Referans Kwoze

PHYAWN NAK 12:36

Israel chang gui cu Egypt chang gui naw, chang m’sui gui u ne, ami k’thäh cu ami pek gui vai ah Bawipa naw bik ci. A cu cha ah Israel chang gui naw Egypt chang gui ah ami khawh cu hteh püi ci gui.

PHYAWN NAK 3:21

“Egypt gui naw ami ning chang m’sui gui vai ah ka ci gui khai nei. Cun ung ka chang gui ami hteh law ba ung ami kut ghawng sei kä hteit ba khai gui.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

SAM 106:46

Ngami pha ne chum gui ci gui cu ng’zuu ne ami thüi vai ah ani naw bik ci.

ATÜNNAK 39:21

Cun ung phi Bawipa naw Joseph cu om püi ne hriham pek ci, thawng bawi naw phi yei nak ci.

LAMKTU 7:22

Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.

ESTA 9:4

Tuhbäi Mordekai cu mang im ung huham mah pikbäih ne, a huham däm law piktäi ciah uknak khaw avan ung hmat pyi ci gui.

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.

THULÄÄN NAK 34:11

Egypt ghangpughang, a bawi gui la a khopäng avan hnungtuk püi ne, bi vai ahBawipa naw Moses ung a yuk chah law ah cäiaih vai la cäcat vai gui cu a u a hei prophet naw phi kä bi man ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

PHYAWN NAK 12:35

Israel gui naw Moses ah pyen ah mäih ah bi u ne, ghui, ngui pyülung la suisak gui cu Egypt chang gui ah k’thäh ci gui.

THULÄÄN NAK 34:10

Israel khaw ung Moses ah mäih ah prophet cu kä om phung man ci. Bawipa naw ani cu hmai chum ne ng’thu püi ci.

JOSHUA 4:14

Cun ah hnüüp ung Bawipa naw abi gui naw, Joshua cu chang m’gäi ah kyak ciah Israel chang gui naw ami k’bäi vai ah kyak sak ci. Ngami naw Moses ami m’tamkhah man ah mäih ah ani cu a ghin yah ah pum tamkhah ci gui.