PHYAWN NAK 11:2 - Cho Bible Common Language 2016

² Tuhbäi Israel chang gui ami van pyen na gui ä, ami pei ng’leng ah chang gui ah ghui ni, ngui ni, pyülung ni gui cu nami k’thäh vai nei” cik ci.

PHYAWN NAK 11:2 Referans Kwoze

PHYAWN NAK 3:22

Israel hnumi päng naw a im pei ah Egypt chang gui la a im ah om tuk ciah Egypt hnumi gui ah suisak, la ghui ngui ng’yoi khai gui. Cun gui cu ami hta gui am m’sui m’awi gui u ne, Egypt gui ah khawh cu hteh püi khai gui.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

HAKKAI 2:8

M’dek ah khan ung ghui la ngui avan cu kei ah kaa ah kyak ci.

NG'THU K'THUUK~ 13:22

Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.

SAM 105:37

Cun kawn ah Israel chang gui cu thawh law püi gui ci; Ngami naw ngui la ghui phui ci gui, ami van cu gai ne khüighat ci gui.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

PHYAWN NAK 35:22

Peta hlük ciah hnumi pami avan naw cüiche ah kutkhih, hnganaak, kutcüp, äh awi la ghui lung a hlü hlü cu law püi u ne Bawipa am ap ci gui.

PHYAWN NAK 32:24

Kei naw ami awi naak ah ghui gui cu ami law püi vai ah pyen ngä sei, ngami naw suut ne law püi ci gui. Cun ah awi naak gui cu kei naw mei ung shum ngä sei shin ah vantang gup ah kya lawk ci” cik ci.

ATÜNNAK 31:9

Khanpughi naw nami pa ah htawme gui cu la ne, kei awn na pe pyi ci nei.

ATÜNNAK 24:53

Cun kawn ah ngui ni, ghui ni, suisak gui ni cu Rebekka am pek ci. A phäi la a nau am phi a phu küi gui m’cümhnah gui ci.

PHYAWN NAK 3:21

“Egypt gui naw ami ning chang m’sui gui vai ah ka ci gui khai nei. Cun ung ka chang gui ami hteh law ba ung ami kut ghawng sei kä hteit ba khai gui.