PHYAWN NAK 11:1 - Cho Bible Common Language 2016

¹ Bawipa naw Moses am, “Kei naw Egypt ghangpughang la ak chang gui ah khan ah hnüät bäng m’kyuk nak ka bi ba khai. Cun kawn ah ani naw ning hteh sak gui khai. Akcang ah shin ungka avan ning k’täm gui khai.

PHYAWN NAK 11:1 Referans Kwoze

TAIGÜTHUM 26:21

“Cun güt ung phi nangmi cu ng’lüm lä u ne, kei na läk vai ah nami maa ah a kyak ung, kei naw ka ning m’kyuk nak gui cu ak chih ah ka han m’däm ba mä khai.

ATÜNNAK 15:14

Cun ung phi ngami shäm gui ciah pakhui cu kei naw ka m’kyuk khai nei. Ngami cu cun ah khaw nawng shüt ne ami law ba hnüüp ung khawh angpeeih law püi khai gui nei.

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

JOB 10:17

Kei na ng’hnungtuk püi ciah saksi gui cu nang ung angtäi ah om ci; nang ah kei ah khan ah m’lungshe nak cu däm law pi pi ci; akthai ah ng’tuk bi vai ah angtäi ah tängpang nak nang ung om ci.

1 SAMUEL 6:4

Chang gui naw, “A i m’cümhnah nak mi thak khai ang?” cik ci gui. Ngami naw, “Ghui ng’khe lung hma, ghui k’pui gup hma, Philistin ghangpughang tumat ah phäh ah tumat ciah kyak khai. Acun ah leigai cu nami van ah khan la ghangpughang hma ah khan ah gawk lawk ciah kyak ci.

PHYAWN NAK 6:1

Cun kawn ah Bawipa naw Moses am, “Ghangpughang ah khan kei naw a i ka bi cu tuhbäi nang naw na hmuk khai nei. Ka chang gui a hteh sak gui vai ah ka k’tut khai nei. Ani naw a khaw ungka aktäm gui vai ah akcang ah ka k’tut khai nei” cik ci.

PHYAWN NAK 12:29

Khaw cawih ding ah Bawipa naw Egypt khaw ah ami htahtük gui avan cu ngawn gui ci. Mang im ung ghangpughang ah hta ung tün ne, thawng im ung thawng kyum ah hta ung khüt ci la seime gui ah ami htahtük gui phi ngawn gui yawp ci.