PHYAWN NAK 10:3 - Cho Bible Common Language 2016

³ Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 10:3 Referans Kwoze

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

JAMES 4:10

Bawipa ah ma ah nami m’lung neim sak vä, cun ung ning m’hlüngtai gui khai nei.

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

EZEKIEL 5:6

Cun ung phi Jerusalem naw kei ah thumkhän gui cu hnungtuk ne küknet ci ani naw a hei pakhui khaw gui ah ta a shetkat tuba cu m’dang ne, ani koi ciah khopäng gui ah mä ng’thu kä a läk tuba ah mawng cu m’dang ci. Jerusalem naw ka thumkhän gui cu hnungtuk ne ka thukhän gui läk vai ah mak ci.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

NG'THU K'THUUK~ 1:24

Kai naw ka ning khü gui pyi ci, nami law vai ah ka ming la gui ci. Cun ung phi kä nami na ngai ci. Kei cu a i ah kä nami na sui ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

2 SHONTÄP NAK 33:12

Ani cu yaica neta amlung neim sak ne, Bawipa a Khanpughi ah ng’hlat law ba ne, am htei vai ah ng’pa nak ci.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

KHEI NAK 14:27

“A i güt shin ah chang shekha gui naw chiu m’da ne, kei cu na hnungtuk püi khai gui ang? Shin ah chiu m’da ci gui cu kei naw ka ng’ya yawp pyi ci nei.

PHYAWN NAK 16:28

Cun kawn ah Bawipa naw Moses am, “Nangmi chang gui naw a i güt ka ng’thu nami maa nak khai ang?

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

2 SHONTÄP NAK 7:14

ngami cu kei ah taigü u ne, akshe gui ami bi nak ungka ng’yuu ba u ne, ami ng’hlah law ba ung, kei naw khankho ah ka naw ka ng’ya gui khai, ami katnak ka m’geinsei gui khai, ami khaw ka ng’bühmang bu sak gui khai.

PHYAWN NAK 4:23

Ka hta na hteh sak vai ah kei naw ka ning m’thein ci, cun ung ani naw kei na khawihnah khai, cungphi nang naw na mak ci, tuhbäi nang ah htahtük cu kei naw ka ngawn khai.

PHYAWN NAK 10:4

Nang cu na maa laih laih ah a kyak ung ngawi ung na khaw ah khan ah khanpeh gui ka law püi khai nei.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

DANIEL 5:22

Cun ung phi nang, aning hta cu, cun gui avan na hmat pang ung phi, na m’lung kä na neim sak ci.

PHYAWN NAK 5:1

Cun kawn ah Moses la Aaron naw Egypt ghangpughang ah ma ah hteit ne ng’thu ani pyen cu, “Bawipa, Israel Khanpughi naw a pyen cu, ‘Ka chang gui na hteh sak gui vai nei, cun ung ngami naw bungpuk ah, pawi bi ne na m’taam khai gui” ciah kyak ci.