PHILIPPIAN 4:6 - Cho Bible Common Language 2016

⁶ A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

PHILIPPIAN 4:6 Referans Kwoze

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

MATTHE 6:8

Ngahmi ah mäih ah kä nami bi-en tu vai. Nami Pa naw kä nami ng’yawih pha ung nami ng’yak hlü avan cu hmat pyii ci.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

NG'THU K'THUUK~ 16:3

Bi vai na pawng pui p’hung cu Bawipa naw ak phyuhtheh vai ah na ap vai, cun ung na bi nak phung ung m’khut nang nak om khai.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

KOLOSE 4:2

Taigü nak ung kä nami m’lung-k’si en vai. Lunglang nak awn taigü ne Khanpughi cu nami m’hlüngtai vai.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

LUKA 12:22

Cun kawn ah Bawipa Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

SAM 51:15

Bawipa, ka ng’thu thei vai ah na m’thei ä, ka ning m’taam khai nei.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

LUKA 10:41

Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

MATTHE 10:19

Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

LUKA 12:29

Cun ah kya sei ‘A i ei awk vai’ cine kä nami ng’ä vai, (Khongyo yum ci gui phi angtäi sei acun ah ng’ä ci gui nei.)

1 SAMUEL 1:15

“Ka, Saza, kei kä ka awktat ci nei, a i kä ka awk ci nei! Kei ka geinvai ci, ka taigü ci, ka khüikha nak cu Bawipa ung ka lawn ci nei.

2 KORIN 1:11

Nangmi naw keimi cu taigü nak awn nami nam htei gui vai. Nangmi akda naw nami k’taigü cu Khanpughi naw ngai ne, keimi cu hrilham na pe gui khai. Chang akda naw keimi ah hmawk ah ami k’aw m’hlaw ne, Khanpughi cu m’hlüngtai khai gui.

1 KORIN 7:32

Kei naw nangmi cu ng’ä ai nak ung ka ning phiawn sak gui hlük ci. Kä chumah ciah pami naw Khanpughi ah khuut cu ak tung ah tha ci, ani naw Bawipa ah ng’yak hlü cu k’tha na ne bik ci.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

DANIEL 3:16

Shadrak, Meshak la Abedneko ni naw m’shang u ne, ghangpughang aw, keimi kami mät naw kami mät kä kami shungvong khai nei.

2 SHONTÄP NAK 32:20

Ghangpughang Hezekiah la Amoz ah hta prophet Isaiah cu Khanpughi naw am htei gui vai ah kyap ne taigü ci goi.

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

SOLOMON NG’Ä~ 2:14

Nang cu lung k’eep ung ng’thup ciah müm ah mäih ah na kyak ci nei. M’hni aih ah na hmai cu na hmuh sak ä, ng’yak hlü nak aw cu na ng’yak sak ä.

1 KORIN 7:21

Khanpughi naw a ning khü yah ung nang cu khleihtein ah na kyak ung, phi, a i ah kä kyak khai; nang cu ng’päi om chang ah na kyak nak vai akhin a om ung acun cu na mang vai.

1 GHANGPUGHANG GUI 8:28

Bawipa ka Khanpughi, kei cu na na changshäm nei. Ka taigü cu na ngaih peä, tuhngawi nang ah ning thäh cu na ngaih peä.

JEREMIAH 32:16

Kei naw khaw hleih nak ah ca guk cu Baruk am ka pek awn ah kei cu ka taigü ci,

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

MATTHE 6:34

Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.

1 TIMOTHI 2:1

Cun ah kyasei ah htük bäih ah chang gui ah hmawk ah Khanpughi huipaa nak, taigü nak, yoih thäh nak, la m’hlüngtai nak gui cu nami bi vai ah ka ning m’cäi gui ci.

1 TIMOTHI 5:5

A mät om ciah hmeinu cu m’hteihtang khai a u kä om sei, Khanpughi ngaih u ne, amü ak hnüüp taigü ne ng’yoi thäh ci nei.