Biblia Todo Logo
Bib sou entènèt

- Piblisite -




PHILIPPIAN 4:5 - Cho Bible Common Language 2016

5 Nami hniphnoi ng’awi ng’gi nak cu chang avan am hmuh sak vä. Bawipa a kyum law nak vai ng’et law pyi ci nei.

Gade chapit la Kopi




PHILIPPIAN 4:5
25 Referans Kwoze  

‘Kei naw akcang ka pyein cu, a i ei auk vai cine, nami hnun gui ah hmawk ah kä nami ng’ä vai, a i suibei vai cine, nami pumsa ah hmawk ah kä nami ng’ä vai. Hnun ghin nak cu ei ah mä bä pi ne, pumsa cu suibei ah mä bä pi ciah kä kya ne ang?


Ak she ah kä ng’thu phung ne, dimdeih nak la khawtsheng nak awn om u ne, angtäi sei ng’awi gi ne ami om vai ah nam cäi gui vai nei.


Cacim theing ung; “Kä shou pha sei kium lawk khai ah Bawipa cu lawk khai nei; Ani cu kä shokshü khai nei.


Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.


Nami mät gui nami ng’shawkchak tu nak naw khritha ah kyak nak ah mingthang cu shet sak leng leng ci nei. Cun ah k’dam cheishoh nak nami awt ung kä bä tu ba khai ang! M’gukplet nak nami bui ung kä ni tu ba khai ang!


Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.


Bawipa Jesuh naw, “Ngai vä, kei ka kyum lawk khai nei, shin ah cauk ung om ciah ng’cäi nak gui läk ciah chang cu yeikyai nak om ci nei” cine pyein ci.


Cun ah kya sei sa ka ei naw ka phäinau a cheishoh sak ah a kyak läi ung, ka phäinau ah kä cheishoh nak vai ah, a i sa phi kä ei ne ka om khai nei.


Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.


Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!


Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.


Ng’längna tuk khai ah ng’theithang ciah güng’lah ciah chang phung naw, ng’kheing ciah thum’hnüt cu läk ci. Cun cu kä ng’täi ciah lukhu gah vai ah hmawk ah kyak ci: cun ung phi mikmi läi cu ng’täi ciah lukhu gah vai ah mi bi ah kyak ci.


“Bawipa ah kyum law nak ah hnüüp gawk lawk ci nei,” cine ami pyein nami ng’yak ung acun vai-am cäicat thüngphyong ne kä nami kyak vai. Shin ah a mawng cu kami ng’cää bang nak ung phi bäi, thu kami pyein nak ung phi, ca kami guk nak ung phi bäi, dang ci nei, cine chang gui naw ngai hngaw khai gui.


“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.


A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!


Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,


Swiv nou:

Piblisite


Piblisite