PHILIPPIAN 4:4 - Cho Bible Common Language 2016

⁴ Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

PHILIPPIAN 4:4 Referans Kwoze

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

PHILIPPIAN 3:1

Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

SAM 146:2

Kei ka ghin ah chuih Bawipa cu ka m’tam khai nei; ka ghin nak avan ung ka Khanpughi ah ng’äi ka m’cu khai nei.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

KALATIAN 1:8

Cun ung phi kei naw ka pyein ah ng’Thu Ni awn kä täng ciah ng’thu pyein ci cu, keimi phi bäi, khanchang phi bäi, m’hteikhaw ah hteh nak güt ah m’kat nak cu gah khai nei.

SAM 33:1

Nangmi, düng ciah chang van naw, Bawipa ah bi ah hmawk ah yei ne m’lau vä; Ani ngai ciah chang van naw m’tam vä.

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

PHILIPPIAN 2:18

Cun ah mäih ah nang mi phi nami yeikyai vai nei, nang mi awn atäng ah kei phi nami na yeikyai sak vai nei.