PHILIPPIAN 4:10 - Cho Bible Common Language 2016

¹⁰ Akhin shou hta khätah kei nami nam hteihtang nak cu nami m’dang law ba mä ah hmawk ah, Bawi Khrit ung ka ghin nak awn ang htei ah ka yeikyai ci nei. Cun cu nang mi naw kei nami nam hteihtang nak kä om ba ciah ah ka pyein ah kä kyak ci, cun ah nami nam hteihtang nak vai ah khin kä om te ciah ka pyein ah kyak ci.

PHILIPPIAN 4:10 Referans Kwoze

2 KORIN 11:9

Kei cu nangmi awn a täng ah ka om yah ung ngui ka ng’yak hlü yah ung kä ka ning yaica sak gui man ci. Macedonia ah phäinau gui naw kei ah ng’yak hlü phung cu law püi ci ci gui. Kei naw a cau phi; ngawi ah phi, nami phuih kä ka gih sak khai.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

PHILIPPIAN 1:3

Nangmi ah mawng ka ngaih-tüh päng ung Khanpughi cu kam hlüngtai ci:

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

2 KORIN 6:7

ng’düng ciah ng’thu pyein nak la Khanpughi ah hlüngtai nak awn phi bäi, keimi cu Khanpughi ah changshäm ah kami kyak ah mawng cu kami dang sak ci. Ng’tuk bi nak la gaa shung nak ung, ng’düng nak cu, kami li khim ah mäih ah kami mang ci.

SAM 85:6

Na k’thamah ba sak gui ä, keimi, na na chang gui naw kami ning m’taam khai nei.

PHILIPPIAN 2:30

Ani naw Bawi Khrit ah khuut cu a sih awng ah k’tha nah ne bik ci nei. Cun cu nang mi naw kä nami peit hlawt ah bi cu kei am ana pei vai ah hmawk ah a bi ah kyak ci nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

HOSEA 14:7

Hnü ät mä ngami cu kei ah shungvong nak ung om ba khai gui. Ngami naw htang cu geit u sei, sapyit ah mäih ah m’theih khai gui. Ngami cu lebanon sapyit tui ah mäih ah ming thang khai gui.

2 SHONTÄP NAK 31:8

Ghangpughang Hezekiah la a bawi gui naw cun ah ami law püi cu hmu u neta Bawipa cu m’hlümtai cu ne, a chang Israel gui phi m’hlümtai ci gui.