PHILIPPIAN 4:1 - Cho Bible Common Language 2016

¹ Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

PHILIPPIAN 4:1 Referans Kwoze

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

PHILIPPIAN 2:16

Nangmi naw angtäi ghin nak ah mawng ng’thu cu pyein u ne, cun ah chang gui ah ng’lung ah khomik ung aisi ah ng’shü ah mäih ah nami khang khai nei. Cun ah nami bi ah akyak ung kei naw k’tha na ne ka bilawh gui cu a kholä ah kä kya sei, Bawi Khrit a kyum law Hnüüp ung, nangmi ung kei ah khäghah nak vai cu om khai nei.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

HEBRU 10:23

Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

JOHAN 8:31

Bawipa Jesuh naw yum ciah chang gui-am, “Nangmi cu kei ah kang thu yum ne, nami bi ung kei ah kang düihpüi ah nami kyak ci;

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

2 KORIN 1:14

Tuhbäi keimi ah mawng amshah bäng nami hmat ung phi, avan nami hmat khai ah, ka ngaih u ci nei. Cun ah kyasei Mi Bawipa Jesuh a law hnüüp ung, nangmi ah hmawk ah kami khähghah ah mäih ah keimi ah hmawk ah nami khähghah khai nei.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

2 THESSALONIAN 2:15

Cun ah kyasei phäi nau gui aw, khäng sei ng’düi u ne ng’thu nami pyein nak la ca nami guk nak ung, kami ning m’thein gui ah cacim cu nami kutshum vai nei.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

JOB 31:36

Kei naw cun gui cu ng’hähleh ne ka phleing ung ka tai khai nei. Lukhu ah mäih ah kalu ung phi ka ng’büng khai nei.