PHILIPPIAN 3:7 - Cho Bible Common Language 2016

⁷ Cun ung phi ka mät ah hmawk ah aungtang ciah ka ngaih man phung cu Bawi Khrit ah hmawk ah a kholä ah ka hmat ci.

PHILIPPIAN 3:7 Referans Kwoze

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

NG'THU K'THUUK~ 13:8

Bühmang ci naw a ngui cu a hnun hun nak vai ah mang ci, cun ung phi dukhaih cicu a u naw kä ngäng ci.

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

JOB 2:4

Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

ATÜNNAK 19:26

Lotah ah ak chu cu a hnu ah va mang ba neta, m’shi tung ah kyak ci.

LAMKTU 27:38

Avan phü vai ah kami ei auk kawn ah, htinpaw a yaang vai ah hmawk ah k’htang ip gui cu tui ung shum ci gui.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.

MAKUH 10:50

Cun ah chang cu a yih ng’vai lim ne phluh shüt netah, yong ne ng’düi law ne, Bawipa Jesuh ah pei ah lawk ci.