PHILIPPIAN 3:6 - Cho Bible Common Language 2016

⁶ Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

PHILIPPIAN 3:6 Referans Kwoze

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

LAMKTU 26:5

Ngami naw kei ami na hmat cu shou lawk ci nei. Kei cu Judah gui ah yum nak aküikyang pi k’bäih ah thukhän mah ciah pati ung Pharisee tumat ah ka kyak cu, ami saksi hlü ung saksi hning ci gui nei.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

MATTHE 23:25

“Thuvi ciah pharisee gui la thukhän saya gui, nangmi ung thüisei nak om ci, nangmi cu nami eik-bei la nami m’yakkoi gui ak pung ah theing khai ah nami m’si ung phi, nami m’lung kyong ah ng’yak nak hlü aih la ngetngawng nak cu be ci nei.

2 GHANGPUGHANG GUI 10:16

“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.

2 SAMUEL 21:2

(Gibeon chang gui cu Israel chang ah kä kyak ci gui; Ngami cu Israel gui ami shung vong gui vai ah shai ami tak ah Amorit chang ken gui ah kyak ci. Cun ung phi Saul naw m’di gui khai ah k’tha nak ci, a i ah kyasei ci ung ani naw Israel la Judah gui ah phäh ah a khüi ghat ah phäh ah kyak ci.)

THUSHÄUTU 7:16

Cun ah kyasei kä na ni aih vai, kä na cüvai aih vai — a i ah kyasei a cun awn na mät naw na mät na ngawn ang?

LAMKTU 22:5

Kei naw ka pyein akcang ah a kyak cu, Taigü tung la Kawngsi ng’vai gui mät saksi hning khai gui nei. Ngami naw Damaskas ah Judah chang phäi nau gui am ami guk gui ah ca cu, kei naw ka gah ci. Cun ah kyasei Cun ah Bawipa yum ciah chang gui phung pha ne Jerusalem ah law püi ne m’kat gui vai ah, kei cu Damaskas ah ka hteit ci.

1 KORIN 10:32

Jew chang gui, Khui hei chang gui, Khanpughi ah pum im chang gui, a u chang ah hmawk ah phi yaica nak kä om men khai ah nami ghin om vai nei.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

TAIGÜTHUM 13:16

Cun ung phi khei cu m’tui ung phi a bawk law ba ah a kyak ung, cun ah chang cu taigü ah a hteh vai.

SUKI GUI 6:30

Cun kawn ah ngami naw Joash am, “Shin ung na hta law püi ä, keimi naw kami ngawn khai nei! Ani naw Baala sonkiang phye ne a pei ung ka Asherah gup phi tupit ci nei” cik ci gui.