PHILIPPIAN 3:3 - Cho Bible Common Language 2016

³ Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

PHILIPPIAN 3:3 Referans Kwoze

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

ROMAN 7:6

Yanä na khitpawng gui man ciah thukhän cu mi sih püi pyi ci kya sei, tuk bäi mikmi naw thukhän cu mi phyawn ah pyi ci nei. Tuk bäi mikmi cu gu ne pyan ah thukhän lam k’phyim awn kä kyak ciah, Mumcha ah pyan ah lam k’thai awn Khanpughi ah khuut cu mi bik ci nei.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

KALATIAN 5:25

Mumcha naw ghin nak na pe gui pyi ci, ani naw mi ghin nak cu na kut shum gui khai nei.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

SAM 105:3

Ani ung mi ng’khäm ci kyasei yei vä; Ani khawihnah ci gui yeikyai vä.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

ROMAN 15:17

Bawi Khrit Jesuh ung kawng ät nak awn, Khanpughi ah khuut ka bi hning ah phäh ah, kei cu khähghah ne ka yei ci nei.

ROMAN 8:39

m’dek ah khan ah phi kya, m’dek ah kaa ah phi kya, kho ah kaa ung a tüi sho avan naw phi kya; a i naw phi mi Bawipa Jesuh Khrit awn Khanpughi naw ana peit gui ah m’hni nak awn kä nam chaa gui hlawt khai, cicu kei naw akcang ah ka hmat ci nei.

ROMAN 9:6

Khanpughi ah shaitaak cu yu kyavük düt ciah ka pyein ah kä kyak ci; a i ah kya sei ci ung Israel chang gui bäng Khanpughi ah chang gui ah kä kyak ci, chang khui hei gui phi Khanpughi ah chang gui ah kyak ci.

2 KORIN 11:18

Chang akda cu chang ah bilawh nak lam ung khähghah man ci gui kya sei, kei phi ka khähghah khai nei.

KALATIAN 6:16

Shin ah mawng gui läk ne ghin püi ciah chang gui la Khanpughi ah chang gui ah khan ah dimdeeih nak la m’gein nak cu om sä!

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

PHILIPPIAN 3:12

Kei naw cun a ng’cheng cu ka gah pyi ci, ka kümbe pyi ci ciah pyein ah kä kyak ci. Cun ung phi cun ah ng’chuh cu na pek khai ah Bawi Khrit naw kei cu na k’pang pyi ci kya sei, cun ah m’kawt ung gawk ne ng’chuh cu ka dou vai ah kei naw ka k’tha nak ci nei.

PHILIPPIAN 3:14

Cun ah kya sei kei cu ng’chuh dou vai ah m’kawt bü ne ka dawng ci nei. Cun ah ng’chuh cu khankho ah ghin nak vai ah Bawi Khrit Jesuh ung Khanpughi ah ng’khü nak ah kyak ci.