PHILIPPIAN 3:18 - Cho Bible Common Language 2016

¹⁸ Shin ah a mawng cu kei naw akda vei ka pyein pyi ci nei, tuhbäi phi leng ba ne ka ng’plitui awn ka pyein ba khai nei: Bawi Khrit Jesuh kutlam tung ung asih nak ah mawng cu hnu ng’tuk püi ne ani ah gaa ah kya ne ghing ciah chang akda om ci nei.

PHILIPPIAN 3:18 Referans Kwoze

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

ISAIAH 8:11

Bawipa naw dämduh ciah a huham awn kei cu ng’thu nak bäi ne, chang gui naw ami läk ah lam cu kä ka

KALATIAN 6:12

Nang mi naw vun ah nak nami bi vai ah ning ling na gui ci gui cu, ak pung bi nak awn khähghah hlük ci gui ah kyak ci nei. Ngahmi cun ah ami ling cu, Bawi Khrit ah kutlam tung ah hmawk ah k’dudeiu nak ami aut vai ami kyih su ah kyak ci nei.

KALATIAN 2:14

Cun ah ngami ah bilawh cu ng’Thu Ni ah ng’düng nak awn kä ah ng’müi law cu, kei naw hmu netah, chang gui ah ma ah, Peter-am, “Nang cu Jew chang ah na kyak ci, cun ung phi chang khui hei ah mäih ah na om ci, Jew chang ah mäih ah kä na om ci. Cun ah kya lang ne a i ah kyasei khui hei chang gui Jew chang gui ah mäih ah ami om tu vai ah na ling nak gui ang?” cine ka ng’shik ci.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

2 PETER 2:10

pumsa ah ng’yak hlü düt läk ne, Khanpughi ah huham päipih ci gui cu, m’khoichaa nak ah hnüüp ung, m’shetkat gui vai cu Khanpughi naw hmat ci. Cun ah thuvi m’theithang ci gui cu lingkeng ne taäh u ne, bäkhäk ciah khan bawi gui phi a i ah kä sui ne päipih ci gui.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

PHILIPPIAN 1:4

ang täi sei nami van ah hmawk ah ka taigü ci.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

KALATIAN 2:21

Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!

2 KORIN 11:29

Ak tha yawken ci a om ung, kei phi kak tha ken tuk ci; shetkat nak bi lawk ci om ung ani ah hmawk ah ka ng’ä ai aih ci.

2 KORIN 11:13

Cun ah chang gui cu ang düihpüi akcang ah kä kyak ci gui, ng’hlukhlei ci gui ah kyak ci; Bawi Khrih ah ng’düihpüi akcang ah ng’hlawk u ne, hleeihlak ne bilo ci gui ah kyak ci.

2 KORIN 2:4

Kei cu ang htei ah thüisei yaica ne, ng’phli tui awn cun ah ca cu ka guk nei: Cun cu nami thüi nak vai ah kä kyak ci Nangmi naw a i hlawk ah ka ning m’hni gui nami hmat nak vai ah ka guk ah kyak ci.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

1 KORIN 1:18

Kutlam tung ung Bawi Khrih ah sih nak ah mawng cu, dimaih khai ah chang gui ah hmawk ah akholä ah a kyak ung phi, hun nak gah ci gui ah mikmi ah hmawk ah, Khanpughi ah hlüngtai nak ah kyak ci.

ROMAN 9:2

Kei cu ang htei ah ka thüi ci. Kam lung kyong ah angtäi sei yaica nak om ci.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

2 THESSALONIAN 3:11

Nangmi ungka bi kä bi hlük ne dam ne om netah, chang hei ah bilawh mawngma düt, lawilik ng’kühyah tuk ciah chang om ci, cicu kami ng’yak ci nei.

LAMKTU 20:19

Kei cu Judah chang gui ah shedam nak awn yaica nak ka gawk yah ung ka ng’phli tui kya law sei phi kam lung neim sak ne, Khanpughi ah changshäm ah kya ne a bi cu kabik ci.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

TAIGÜTHUM 13:8

Taigü naw ng’shi thäh ba mä neta, khei cu pung law ba ciah a kyak ung, ani naw kä theingthap ciah ang ng’shäu ba vai. Cun cu kyih vai ah kheilei ah kyak ci.