PHILIPPIAN 3:13 - Cho Bible Common Language 2016

¹³ Phäi nau gui aw, kei naw cun kä dou pha cu ka hmat ci nei: tumat kei naw ka k’tha nak cu ka hnu ah kaa gui phung cu m’hnih shüt ne, ka ma ah ng’dang lawk ci ung ka gawk vai ah kyak ci.

PHILIPPIAN 3:13 Referans Kwoze

LUKA 9:62

Bawipa Jesuh naw, “Vintang, m’hachaa kawt ne, a hnu ah va mang ba ci cu Khanpughi ah Uknak kho ah hmawk ah a i ah kä mawng ci nei” ci na gui ci.

PHILIPPIAN 3:12

Kei naw cun a ng’cheng cu ka gah pyi ci, ka kümbe pyi ci ciah pyein ah kä kyak ci. Cun ung phi cun ah ng’chuh cu na pek khai ah Bawi Khrit naw kei cu na k’pang pyi ci kya sei, cun ah m’kawt ung gawk ne ng’chuh cu ka dou vai ah kei naw ka k’tha nak ci nei.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

2 PETER 3:8

Cun ung phi teih püi gui aw, tumat kä nami m’hnih vai cu, Bawipa ung kho hnüüp ät la khokum phia-ghaa cu ang lak kä om ci, a täng ah kyak ci.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

SAM 45:10

Ghangpughang ah mang hta, ka thu na ngai ä — Na chang gui la na mätyah gui cu m’hnih gui ä.