PHILIPPIAN 3:10 - Cho Bible Common Language 2016

¹⁰ Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

PHILIPPIAN 3:10 Referans Kwoze

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

1 JOHAN 2:3

Khanpughi ah thukhän cu mi läk ah a kyak ung ani mi hmat ciah akcang ah mi hmat khai.

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

2 KORIN 1:5

Mikmi naw Bawi Khrih ah aut ah, da aih ciah geinvai nak cu mi aut tu ah mäih ah Bawi Khrih ung Khanpughi ah na peit gui ah m’htei nak cun phi mi gah ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

2 KORIN 13:4

Bawipa cu kutlam tung ung ami ngawn yah ung ak tha ken ciah mäih ah a kyak ung phi, tuhbäi Khanpughi ah hlüngtai nak awn ghing ne om ci nei. Ani ung mi kawng ät nak ung mikmi phi mik tha ken te ci; cun ung phi, Khanpughi ah hlüngtai nak awn, Bawi Khrit ung a täng ah ghing ne, nangmi awn mi ng’hmu teng khai nei.

1 JOHAN 2:5

Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

EPHESIAN 4:13

Cun ah kyasei Khanpughi ah Htapa mi hmuhmat nak ung, mi yum nak tumat ah a kyak nak awn, mi van cu a täng ah mi kyumsawm khai nei. Mikmi cu Bawi Khrit ah küm ciah khüt nak ah mäih ah, ang htei ah a hlüng nak ah, cüivai lulaang ciah mi kya lawk khai nei.

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

MATTHE 20:23

Bawipa Jesuh naw, “Nangni cu kei ah khap ung akcang ah nani awk khai, cun ung phi kei ah k’eng la k’pat ah nani ngoh vai cu, kei naw kä ka ning pe goi hning ci, cun ah ngoh nak gui vai cu Kapa naw a pyan gui ah chang gui ah hmawk ah kyak ci,” cine kyak nagoi ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

ROMAN 8:36

Cacim Theing ung; “Bawipa ah Hmawk ah Kei mi cu, ak hnüüp pum ung, sih nak gaa awn kami ng’aut ci nei; Ngawn vai ah ami k’bäi ah htome ah mäih ah, Chang naw kei mi cu na ngai gui ci nei”, ciah om ciah mäih ah kyak ci.

KALATIAN 6:17

Khüm nak ah: cän kawn ah a u naw phi kä na k’shedam men ah ba sä, a i ah kyasei ci ung ka pumsa ung om ciah kang’gaai gui naw, kei cu Bawi Jesuh ah khlei htein ah ka kyak cu m’dang ci nei.

2 PETER 1:13

Kei ghing ne ka om yah ah chuih shin ah a mawng gui ka ning m’shümthein ba gui lä khai ah ka ngai ci nei.