PHILIPPIAN 2:5 - Cho Bible Common Language 2016

⁵ Bawi Khrit ung om ciah m’lung ngaih cu nang mi ung phi om sä:

PHILIPPIAN 2:5 Referans Kwoze

1 JOHAN 2:6

Kei Khanpughi ung ka ghing ci nei, cik ciah chang cu, Bawi Jesuh Krit ah mäih ah a ghin om vai nei.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

1 KORIN 10:33

Kei cu kabilawh nak phung ung ka mät ah hmawk ah ka ng’ä ne, chang gui ami yei vai ah, chang ah hmawk bäng ah ka bik ci. Cun cu ngami naw hun nak ami gah vai ah kyak ci, nangmi phi kei ah bi ah mäih ah nami bi tu vai.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

ROMAN 15:5

Nang mi naw Bawi Khrit Jesuh ah lam shüm cu läk ne, m’lung ät ngaih ät awn nami om vai ah hnimgei nak la k’thamah nak ning pe gui ciah Khanpughi naw, nangmi cu ning m’htei gui sä.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

ROMAN 15:3

Bawi Khrit cu amät ah yeikyai nak vai a i kä bik ci, cun ah abi nak vaisü ung cacim theing ung om ciah; “Chang gui naw Bawipa ami k’shedam nak cu kei ami na k’shedam nak ah kyak ci nei,” a ciah mäih ah chang gui ah k’shedam nak cu gah ci.

LUKA 22:27

Ngo ne ei khai ah chang la tumbei khai ah chang ung kaa, a u ang a hlüngtai pi kaw? Ngo ne ei khai ah chang cu hlüngtai pi ciah kä kya ne ang? Cun ung phi kei cu nangmi ung tumbei khai ah changshäm ah mäih ka kyak ci.

ROMAN 14:15

Ei tumatmat na ei nak awn na phäi nau cu ngaih na khak sak ah a kyak ung, nang naw ani ah khan ah na om k’she nak ah kyak ci. Bawi Khrit ah sih nak cu cun ah chang ah hmawk ah phi kya tuk ci kya sei, tumatmat ah ei nami ei nak awn cun ah chang ah ngaih cu kä khak en sak vä.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.