PHILIPPIAN 2:27 - Cho Bible Common Language 2016

²⁷ Ani cu akcang ah si ghepghep ne gawpai te ci nei. Cun ung phi ani cu Khanpughi naw m’htei ci nei, ani bäng ah kä kyak ci kei phi nam htei ci nei. Cun ah kya sei kei cu thüisei nak kä ka buitang ba ci.

PHILIPPIAN 2:27 Referans Kwoze

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

PHILIPPIAN 2:30

Ani naw Bawi Khrit ah khuut cu a sih awng ah k’tha nah ne bik ci nei. Cun cu nang mi naw kä nami peit hlawt ah bi cu kei am ana pei vai ah hmawk ah a bi ah kyak ci nei.

2 KORIN 2:7

Tuhbäi nuipai sei kä a thüi aih vai ah, ani cu m’gein ne, thamah nak pe vä.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

LAMKTU 9:37

Ani cu gaw ne sik sei m’si m’hla u na im akhan kyong ah m’shän ci gui.

JOB 5:19

Akhin päng ung ani naw nat nak päng ng ning hun khai;

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

JEREMIAH 10:24

Bawipa, na chang gui ng’düng sak gui ä; Cun ung phi keimi ah khan ah kä nuipai aih sä, na m’lungshe yah ung kä na m’kyuk en gui ä, cun cu keimi ah ng’pyi nak ah kyak khai nei.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

ISAIAH 27:8

Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.

2 GHANGPUGHANG GUI 20:1

A cun yah ung ghangpughang Hezekiah cu si hlü ne gaw ci. Amoz ah hta prophet Isaiah naw hteit ne hmu neta a pyen nak cu, “Apäng avan na ngaih nak ge vai ah Bawipa naw ning m’thein ci, a i ah kyasei ci ung nang cu kä na gai ba khai, sih ge vai ah na om vai.”

JEREMIAH 45:3

nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

PHILIPPIAN 2:28

Cun ah kya sei nang mi naw ani cu hmu ba ne nami yeikyai nak vai la kei ah thüi sei nak gui ang kawn nak vai ah, kei naw ani cu nang mi ah ak yä ah ka tüi law hlük ci nei.