PHILIPPIAN 2:26 - Cho Bible Common Language 2016

²⁶ Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

PHILIPPIAN 2:26 Referans Kwoze

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

EPHESIAN 3:13

Cun ah kyasei kä nami ng’yochaw vai, nangmi ah hmawk ah kei cu geinvai nak ka gah ci, cun cu nangmi ah ng’läh nak vai ah kiak ci, cun ah kyasei kä nami ng’yochaw vai nei.

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

NG'THU K'THUUK~ 12:25

Ng’ä ai nak naw na yeikyai nak ning gut khai. Cun ung phi m’hni nak ah ng’thu naw hmai ning kiang sak khai.

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

ROMAN 9:2

Kei cu ang htei ah ka thüi ci. Kam lung kyong ah angtäi sei yaica nak om ci.

MATTHE 26:37

Peter la Zebedee ah hta goi cu khah püi gui ci. Bawipa Jesuh cu ang htei ah am lung kä ding gei sei yaica aih netah;

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

2 SAMUEL 13:39

Cun ung phi Ammon ah sih am hnih law kawn ah A hta Absalom cu khaih na ne om dam ci.

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.

PHILIPPIAN 1:3

Nangmi ah mawng ka ngaih-tüh päng ung Khanpughi cu kam hlüngtai ci:

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

2 KORIN 9:14

Nangmi cu Khanpughi ah küikyang ciah m’gein nak cu nami gah ciah kyasei, ngami naw nangmi cu ang htei ah ning yum ngak gui u ne, nangmi ah phäh ah k’taigü khai gui nei.

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

ROMAN 1:11

Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

JOB 9:27

Hmai kyang ne ka yaica nak m’hnih vai ah ka k’tha nak law ung, ka genvai nak avan na m’kyimkyawk khai ah law ba ci gui; Khanpughi naw ka hma nak kä na ngaih pek ci cicu ka hmat ci.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

PHILIPPIAN 2:25

Kei awn a täng ah kani bik ci, kei awn a täng ah ng’düi ne ng’khüi ci, kei nam hteihtang khai ah nami tüih law ah, mi nau Epaphroditus cun phi nang mi ah ka tüih law vai ah hlü ciah ka ngai ci nei.

PHILIPPIAN 2:27

Ani cu akcang ah si ghepghep ne gawpai te ci nei. Cun ung phi ani cu Khanpughi naw m’htei ci nei, ani bäng ah kä kyak ci kei phi nam htei ci nei. Cun ah kya sei kei cu thüisei nak kä ka buitang ba ci.