PHILIPPIAN 2:25 - Cho Bible Common Language 2016

²⁵ Kei awn a täng ah kani bik ci, kei awn a täng ah ng’düi ne ng’khüi ci, kei nam hteihtang khai ah nami tüih law ah, mi nau Epaphroditus cun phi nang mi ah ka tüih law vai ah hlü ciah ka ngai ci nei.

PHILIPPIAN 2:25 Referans Kwoze

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

KOLOSE 1:7

Nangmi naw Khanpughi ah am gein nak cu Epaphras ah nami ng’thei ci. Ani cu mi changshäm, mikmi ah hmawk ah bekhüt ciah Bawi Khrit ah khuut bik ciah kyak ci.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

PHILIMON 1:24

Kei naw a täng ah kami bi ghawm ciah Makuh, Aristakas, Demas la Luka gui naw phi acun ah yeikyai ne yavaih nak pyein ci gui nei.

NG'THU K'THUUK~ 25:13

Bä ciah ng’shä cu tüi ciah chang ah phäh ah k’tha m’thaai nak ah kyak ci, Geit khäm ah khin khaw ang ling yah ung tui gei ah mäih ah kyak ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

KOLOSE 4:11

Justus ami ciah Joshua naw phi ning yavaih na gui ci nei. Acun ah ng’thu gui cu yum ciah Jew chang gui ah kya u ne, Khanpughi ah uknak kho ah hmawk ah kei awn a täng ah bi bi u ne, kei cu aktung ah nam hteihtang ci gui nei.

2 KORIN 2:13

Cun ung phi mi nau Titus cu kä hmu netah ang htei ah ka cäi ng’ä ci. Cun ah kyasei a cu ah chang gui cu yavaih gui netah Macedonia kho ah ka hteit ci.

JOHAN 17:18

Nang naw kei cu m’dek khan ah na na tüih law ah mäih ah, kei naw ngami cu ka tüi gui ci.

JOHAN 13:16

Kei naw akcang ka pyein cu, “Changshäm cu khuimah ah mä kä tai pi man ci.

ROMAN 16:3

Bawi Khrit Jesuh ah khuut bi nak kami bi ät ciah Pricilla la Aquila cu ka yavaih na goi ci nei.

ROMAN 16:9

Bawi Khrit ah khuut a täng ah mi bik ciah Urbanus la ka teihpüi Stachis phi ka yavaih na goi ci nei.

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.