PHILIPPIAN 2:22 - Cho Bible Common Language 2016

²² Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.

PHILIPPIAN 2:22 Referans Kwoze

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

2 KORIN 2:9

Yanä kei naw ca ka ning guk law gui cu, tüihtok nak m’khüt vai ah nami ng’düih la, kei ah ning m’shümthein gui läk ghet vai ah nami om ah, hmat nak vai ah kyak ci.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

2 KORIN 8:22

Cun ah kya sei ngah ni awn a täng ah kami nau tumat phi kami tüi lawk ci nei: ani cu akda vei teng kheng u ngä sei, chang m’hteihtang ciah chang ah kyak ci nei. Ani cu nangmi ning ngaih gep gui ciah kya ne, ning m’hteihtang gui hlü pi ci nei.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,

PHILIPPIAN 2:20

Ani bäng cu kei awn kani m’lung ngaih kawng ät sei, nang mi ah hmawk ah bi bi hlük ciah chang ah kyak ci nei.

2 KORIN 8:24

Keimi ah khähghah nak akcang ah ami hmat tu vai la, ngami ung kaa naw khrithabum gui naw ami hmat tu vai ah, nami hni nak cu nami m’dang gui vai nei.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

LAMKTU 16:2

Listra la Ikonium ung om ciah khritha gui naw Timothi cu m’hlüngtai ci gui.

ROMAN 5:4

Hnimgei nak naw m’khütnäng nak, m’khüt näng nak naw m’lung üp ngaih u nak cu dang sak ci, cicu mi hmat ci.

1 KORIN 16:10

Nangmi ah Timothi a gawk law ah a kyak ung akni ah dou ne nami khinchah nak vai nei, a i ah kyasei ci ung ani cu kei ah mäih ah Khanpughi ah khuut bik ciah kyak ci.

PHILIPPIAN 1:5

A htük ung tün ne tuhbäi ung khüt khai ah Thu Ni ng’shäu ne bilawh nak ung a täng ah nami na bilawh püi ah hmawk ah ka taigü päng ung ka yeikyai ci nei.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

PHILIPPIAN 1:12

Phäi nau gui aw, kei naw ka buitang law gui naw, Thu Ni ka shäu nak ung akcang ah, a na yu chaan ah mawng cu ka ning hmat sak gui hlük ci nei.

PHILIPPIAN 1:16

Cun ah chang gui cu, Thu Ni küikyan ne ka pyeinsak khai ah Khanpughi naw anam düih ah mawng cu, hmat u netah, yumhni nak awn pyeinsak ciah chang gui ah kyak ci.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.