PHILIPPIAN 2:21 - Cho Bible Common Language 2016

²¹ A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

PHILIPPIAN 2:21 Referans Kwoze

1 KORIN 10:24

A u naw phi nami mät ah chaw kä nami shui vai, chang ah k’chaw nami shui peit vai.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

PHILIPPIAN 2:4

Nami mät ah hmawk bäng ah kä ng’ä ne, nami pawchang ah hmawk ah phi nami ng’ä vai nei.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

1 KORIN 10:33

Kei cu kabilawh nak phung ung ka mät ah hmawk ah ka ng’ä ne, chang gui ami yei vai ah, chang ah hmawk bäng ah ka bik ci. Cun cu ngami naw hun nak ami gah vai ah kyak ci, nangmi phi kei ah bi ah mäih ah nami bi tu vai.

1 KORIN 13:5

M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

2 KORIN 1:5

Mikmi naw Bawi Khrih ah aut ah, da aih ciah geinvai nak cu mi aut tu ah mäih ah Bawi Khrih ung Khanpughi ah na peit gui ah m’htei nak cun phi mi gah ci.

2 TIMOTHI 4:16

Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!

LAMKTU 15:38

Cun ung phi Paul naw ami bi bi nak ang pyi güt ah kä hteh tu ah nawng en gui ne Pamphilia ung hlah ta gui te ci kyasei, ani khü tu ba vai cu kä yum ci.

LAMKTU 13:13

Paul la a paw gui cu Paphos gawnu ungka htinpaw awn Pamphilia kho, Perka gawnu ah gawk ci gui. Acun ung Johan Makuh naw nawng gui shüt ne Jerusalem ah hteit ba ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

2 GHANGPUGHANG GUI 12:6

Cun ung phi Joash ah uknak akum m’ku lei thum güt ung taigü gui naw Taigüim a i phi kä pyang m’tham ci gui.