PHILIPPIAN 2:19 - Cho Bible Common Language 2016

¹⁹ Bawipa naw ang yak hlü a om ung kä shou pha sei, Timothi cu nangmi ah ka tüi lawk khai ah ka ngai ci nei. Cun ung kei naw nangmi ah mawng ng’ya ne k’thamah nak ka gah khai nei.

PHILIPPIAN 2:19 Referans Kwoze

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

PHILIPPIAN 2:28

Cun ah kya sei nang mi naw ani cu hmu ba ne nami yeikyai nak vai la kei ah thüi sei nak gui ang kawn nak vai ah, kei naw ani cu nang mi ah ak yä ah ka tüi law hlük ci nei.

JAMES 4:15

Nangmi naw nami pyein vai cu, “Khanpughi naw ang yak hlü ah a kyak ung keimi cu ghing ne, kami bilo hnüntho,” ciah kyak ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

ROMAN 16:21

Kei awn a täng ah kani bik ciah Timothi la kei ah mäih ah Jew chang ah kyak ciah Lucius, Jason la Sosipater gui naw phi Khritha yavaih na gui ci gui nei.

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

MATTHE 12:21

Chang pakhui avan naw phi ani cu ngaih u khai gui,” ciah kyak ci.

JEREMIAH 17:5

Bawipa naw pyen ci, “Kei na ng’hlah tak ci gui cu kei naw ka m’kyuk gui khai, ngami cu hnicim chang ngaih u u ne, she thei ci k’thagui nak ci gui.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

PHILIPPIAN 2:18

Cun ah mäih ah nang mi phi nami yeikyai vai nei, nang mi awn atäng ah kei phi nami na yeikyai sak vai nei.

1 THESSALONIAN 3:5

Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.