PHILIPPIAN 2:14 - Cho Bible Common Language 2016

¹⁴ Nami bi vai om ci phung cu kä ng’sutsi kä ng’cuhcan ne nami bi vai nei.

PHILIPPIAN 2:14 Referans Kwoze

1 PETER 4:9

Kä puhceh en ne, tumat la tumat nami choh nami ng’hmawn tu vai.

1 KORIN 10:10

Mikmi cu chang amshah gui ah mäih ah kämi ng’nakso tuk khai, ngami cu Sihnak ah khanchang naw m’di gui yawp ci.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

ROMAN 12:18

Chang nüng nüng awn ng’gei gaan ne nami om vai nei,

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

JAMES 1:20

Chang ah m’lung she nak naw, Khanpughi ah düng nak kä m’düng thei ci.

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

JAMES 3:14

Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

SAM 106:25

Ngami cu ami phung kyong ah om u ne, kä yei u ne, Bawipa cu kä ngai ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

1 PETER 3:11

Ani cu akshe ng’hlah tah ne akni a bi vai: Dimdeeih nak a om vai ah am lung kiong avan nawn Ak tha nak vai.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

1 THESSALONIAN 5:13

Ami khut bi ah hmawk ah ak hlüngtai säih ah m’hni nak la chang m’sui nak awn nami m’tamkhah gui vai nei. Nami mät ah kyong ungphi ding gei nak om sä.

KHEI NAK 14:27

“A i güt shin ah chang shekha gui naw chiu m’da ne, kei cu na hnungtuk püi khai gui ang? Shin ah chiu m’da ci gui cu kei naw ka ng’ya yawp pyi ci nei.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

LAMKTU 15:39

Ngahni acun ah mawng ak tä ah ng’cuhcan ni netah ng’pai ci goi; Barnabas cu Makuh khü ne, Saiprus ah htinpaw awn hteit ci.

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

MAKUH 14:5

Shin ah tui ng’ui cu ngui pit thum ah yoi ne, ghawi pyam ci gui-am peit gui vai ah kha te ci nei” cine ami mät gui ng’htau u ne, cun ah hnumi cu m’kat ci gui.

MATTHE 20:11

Cun ung phi, ngami phi tangka aphe ci bä gah tuk ci gui.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

MAKUH 9:14

Bawipa Jesuh la ang düihpüi thum gui cu, a hei ang düihpüi gui ah om nak ah gawk law ba u netah, chang khli naw anak bui gui sei hmuk ci gui. Amshah thukhän saya gui la ana om ciah ang düihpüi gui cu ng’kük net ne ng’thu pyein ci gui.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.