PHILIPPIAN 2:13 - Cho Bible Common Language 2016

¹³ A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

PHILIPPIAN 2:13 Referans Kwoze

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

ROMAN 9:16

Cun ah kya sei Khanpughi ah ghü nak cu, chang ah ng’yak hlü la bilawh nak awn ah kä kyak ci, Khanpughi ah chimgein nak awn ah kyak ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

JOHAN 3:27

Johan naw, “Khanpughi naw kä a peit ung a u naw a i käm khüt ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

1 KORIN 12:6

Khuut bi nak vai k’thagui a hlü hlü a om ung phi, chang a phäh phäh am, thagui a hlü hlü pek cicu Khanpughi tumat bäng ah kyak ci.

2 THESSALONIAN 1:11

Cun ah a mawng ung nangmi ah hmawk ah keimi angtäi sei kami taigü ci. Khanpughi naw a ning khü gui ah mäih ah nami ghin om hning vai ah keimi naw Khanpughi ah kami ning yoih thäh pe guici nei. Ni kyom nak vai ah nami ng’yak hlü avan cu a hlüngtai nak awn ning kümbe sak gui ne, yum nak awn nami bilawh gui nüng phi ning kümbe sak gui sä.

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

1 GHANGPUGHANG GUI 8:58

ani ah ng’thu mi ngai khai ah na pyang gui sä, cun ung mikmi mi om vai ah angyak hlü ah mäih ah angtäi sei mi om khai, mi pupa gui am a pek ah thukhän gui la thumkhän gui avan mi k’pang khai.

SAM 119:36

Ng’bühmang nak ah ta, na ng’thukhän läk nak hlü cu na pe ä.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

JOHAN 6:65

Cun ah kyasei Bawipa Jesuh naw, “Kei naw tuhbäi ka pyein hlü cu, Kapa Khanpughi naw kä am gein ung a u phi, kei ah kä law hning ci” cine pyen na gui ci.

JEREMIAH 32:38

Ngami cu kei ah chang ah kyak khai gui, kei cu ngami ah Khanpughi ah ka kyak khai.

ROMAN 9:11

Ngahni kä ng’tüi law pha ni ne, ak ni ak kaa kä a ni bilawh pha ung Khanpughi naw, Rebekka am, “Na hta ng’vai pi naw, ak hmaw pi cu hnün thawh pek khai nei,” cine kyak nak ci. Cun ah a pyein cu Khanpughi naw amät ah ng’yak hlü ah a hta tumat a ghü a mawng cu am dang ah kyak ci. Khanpughi naw cun ah abi cu, chang ah bilawh nak teng ne a ghü ah kä kyak ci, amät ah m’hni ah ghü ne a khü ah kyak ci.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

SAM 141:4

Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

JOB 33:29

Khanpughi naw shin gui cu leng ba ba ne bik ci.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.