PHILIPPIAN 2:12 - Cho Bible Common Language 2016

¹² Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

PHILIPPIAN 2:12 Referans Kwoze

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

HEBRU 4:11

Cun ah kyasei düm nak gah vai ah mik tha nak khai nei. Cun ung kä a mi yum ah hmawk ah düm nak kä gah ci gui ah Israel chang gui ah kä mi kyak khai nei.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

NG'THU K'THUUK~ 13:4

Dam ciah chang naw a i hlawk ah ang yak hlü phi kä gah hlawt ci. Ng’khüi ne bik ci naw angyak hlü phung gah ci.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

PHILIPPIAN 1:29

Nang mi cu ani nami yum nak bäng awn ah kä kyak ciah ani ah hmawk ah yaica nak nami gah nak awn Bawi Khrit ah khuut bi nak vai ah a khin k’ni cu nami gah ci.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

2 KORIN 7:15

Ani ah ng’thu ngai ghet khai ah nami om la, ani kyih aa ne nami na dou ah mawng cu, ani naw shüm ba netah, nangmi cu ning m’hni law gui pi ci nei.

1 KORIN 2:3

Cun ah kya sei kei cu nangmi ah ka law yah ung ka k’tha ken sei, kyikyawk ne,

EPHESIAN 6:5

Changshäm gui, Bawi Khrit ah khuut nami bi ah mäih ah kyih-aa ne, khüighaat ne nami chang bawi ah thu cu nami läk vai.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

NG'THU K'THUUK~ 10:16

Akni bi sah a phu cu ghin nak ah kyak ci, katnak naw katnak pi ah lam shüm ci.

MATTHE 11:12

Tuihnim Johan naw ng’thu a pyein law ung tün ne, tuhngawi ung khüt sei khankho cu, changshe gui naw ng’tuk ng’ah püi ci gui. Cun ah kho cu changshe gui naw khäm yawp vai ah k’tha nak ci gui.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

PHILIPPIAN 1:5

A htük ung tün ne tuhbäi ung khüt khai ah Thu Ni ng’shäu ne bilawh nak ung a täng ah nami na bilawh püi ah hmawk ah ka taigü päng ung ka yeikyai ci nei.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

PHILIPPIAN 2:19

Bawipa naw ang yak hlü a om ung kä shou pha sei, Timothi cu nangmi ah ka tüi lawk khai ah ka ngai ci nei. Cun ung kei naw nangmi ah mawng ng’ya ne k’thamah nak ka gah khai nei.

1 KORIN 4:14

Shin ah ka guk cu nangmi ka ning lü ng’aa nak sak gui ah kä kyak ci, ka ning m’hni ah ka ning hta gui ka ning m’shüm thein nak gui ah kyak ci.

PHILIPPIAN 4:15

Nang Philippian chang gui, Kei cu Macedonia kho ung pawng ne Thu Ni cu ng’shäu ne ka pyein law htük yah ung, nang mi ah Khrithabum tumat hta bäng naw nam hteihtang ci, nang mi bäng naw van shin ah bi ung, a ghawi law, abä law ung phi, kawng ät ne, nami na bi püi cu na mi mät naw nami hmat ci nei.

LAMKTU 16:29

Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci.

PHILIPPIAN 1:6

Cun ah kya sei nang mi ung bi ak ni tün ne bik ciah Khanpughi naw Bawi Khrit Jesuh ah kyum law nak vai ah hnüüp kä a gawk phaa ung, cun ah bi cu ng’pyi khai ah bik khai ah ka yum ci nei.