PHILIPPIAN 2:11 - Cho Bible Common Language 2016

¹¹ M’khuukdoong ne bawihma u netah, Ak ghing om avan naw, “Zesuh Khrit cu Bawipa nei,” cine ng’shäu u ne, Pa Khanpughi ah bämang nak cu m’dang khai gui.

PHILIPPIAN 2:11 Referans Kwoze

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

ROMAN 14:11

Cacim theing ung Khanpughi naw; “Kei cu akcang ah ghing ciah Khanpughi ah ka kyak ci, ci ne Bawipa naw pyein ci, Chang ah hta van cu kei ah maa ah m’khuuk khodoong khai nei. Chang ah hta avan naw Kei Khanpughi ah ka kyak ah mawng cu ng’kyaa ne pyein khai nei,” cine pyein ci.

JOHAN 13:13

“Nangmi naw kei-am, ‘Saya awi, Bawipa awi’ cine nami na khü ci. Acun ah ka kyak ci kyasei, acun ah nami na khü cu nik ci.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

ROMAN 14:9

A i ah kya sei ci ung Bawi Khrit cu, ghing ci la sik ci gui ah Bawipa ah a kyak nak vai ah sih nak ungka a thawh ba pyi ah hmawk ah kyak ci.

1 KORIN 12:3

A u chang phi Khanpughi ah Mumcha ah lam shüm nak kä gah ci naw Bawipa Jesuh cu kä k’she na hning khai; a chang phi Mumcha Theing naw lam kä am shüm naw ‘Jesuh cu Bawi Nei’ cine kä ng’kyaa hlawt khai, cicu ka ning hmat sak gui hlük ci.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

MATTHE 10:32

‘Chang gui ah ma ah kei cu ana Bawipa ah pyein ne, m’dang ne ng’kiaa ciah chang cu, kei naw khankho ka Pa ah ma ah, kakchang nei cine m’dang ne ka pyein khai.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

ROMAN 15:9

Cun bäng ah kä kyak ciah Chang Pakhui hei gui naw phi amät ah chim’gein nak awn Khanpughi ami m’hlüngtai tu hlawt vai ah hmawk ah ani cu kyum lawk ciah kyak ci. Cacim Theing ung; “Cun ah kya sei kei naw chang khui hei gui ah ng’lung ah Khanpughi cu kam hlüngtai khai nei; Ng’äi awn ka m’hlüngtai khai nei,” ciah om ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

JOHAN 12:42

Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

SAM 18:49

Cun ah kyasei pakhui van ah ng’lung ung ka ning m’taam ci; m’hlüngtai ne ka ning ng’äi ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

JOHAN 13:14

Kei cu nami Bawipa la nami saya ah ka kyak ci, cun ung phi nami kho kam si pyi ci. Cun ah kyasei nami mät gui nami kho nami ng’si tu peit vai.